Baibel Em i Tanim Bipo i No Bagarap

Long 1994-1995 bikpela haus buk long Inglan (British Library) i larim ol man i lukim wanpela Baibel bilong Ol Skripsa Grik, em edisen bilong yia 1526 Wiliam Tindel i bin tanim na ol i prinim taim em i stap long Woms, Jemani. Dispela buk ol i bin baim long wanpela bikpela koles long Inglan (Bristol Baptist College), long 1,600,000 dola samting, long wanem, ol i ting dispela buk i gat olgeta Skripsa Grik long en, em wanpela tasol i no bin kisim bagarap​—⁠inap 3,000 samting bilong dispela Baibel ol i bin salim hait i go long Inglan, na bisop bilong Landon i kirapim ol man long kukim long paia. Tasol narapela Baibel bilong dispela edisen ol i painim long wanpela laibreri long Stutgat, Jemani. Ol i no bin putim nem stret bilong en na inap planti handet yia ol man i no tingim, tasol em i stap wankain olsem bilong bipo, na namba wan pes bilong en i stap gutpela tu.

[Piksa Kredit Lain long pes 15]

Mipela i kisim tok orait long Principal, Fellows and Scholars of Hertford College, Oxford

© Württ. Landesbibliothek/Poto: Joachim Siener