Askim

◼ Husat inap kisim wanpela kopi bilong Wok Kingdom Bilong Yumi?

Wok Kingdom Bilong Yumi em i bilong helpim na strongim ol man i save autim tok. Olsem na em i no bilong givim long olgeta man. Olgeta pablisa i baptais pinis na olgeta pablisa i no baptais yet, ol i ken kisim wanpela kopi. Olgeta man i save kam long Miting Bilong Wok na ol i wok long kamap strong inap long ol i autim tok, ol tu i ken kisim wanpela. Yupela i no ken lusim tingting long putim wanpela long laibreri bilong kongrigesen. Ol man i raus pinis ol i no ken kisim wanpela Wok Kingdom.

Long sampela kongrigesen ol elda i raitim lista bilong ol man i stap long olgeta wan wan Buk Stadi Bilong Kongrigesen, em ol inap kisim Wok Kingdom. Ol wasman bilong ol Buk Stadi ol i ken lukim dispela lista na i no hatwok long tilim ol Wok Kingdom i go long ol man ol i mas kisim. Ating ol i ken raitim o taipim nem bilong olgeta wan wan antap long Wok Kingdom na tilim i go long ol. Taim man i kisim Wok Kingdom, em i mas holim gut na yusim taim em i redim Miting Bilong Wok na long taim bilong autim tok. Planti brata ol i save putim Wok Kingdom bilong ol long wanpela fail long laibreri bilong ol yet na bihain ol inap lukim na ritim gen.