Bai Yumi No Skelim Moa Teks Bilong De Long Bung Bilong Autim Tok

I kam inap long nau, ating ol brata i bin skelim teks bilong de long sampela bung bilong autim tok, sapos teks i stret long dispela wok. Dispela i senis nau. Yumi no ken yusim moa buklet Skelim Sampela Tok Bilong Baibel Long Olgeta De long ol bung bilong wok autim tok. Olsem bipo, brata i lukautim bung i ken yusim Baibel, Wok Kingdom Bilong Yumi, buk Skul Bilong Autim Tok, buk Toktok Gut, na ol narapela buk samting i stret long wok autim tok. Ol brata ol i makim bilong lukautim grup i mas redim ol gutpela tok ol lain i go autim tok i ken mekim wok long en. Olsem bipo, dispela bung i no ken winim 10 i go 15 minit, na bung i mas sotpela moa sapos em i kamap bihain long miting bilong kongrigesen.