Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • km 1/91 p. 4-5
  • No Ken Slip—Ai i Mas Op na Tingting i Klia

No gat vidio bilong dispela seksen.

Sori, popaia kamap long lodim vidio.

  • No Ken Slip—Ai i Mas Op na Tingting i Klia
  • 1991 Wok Kingdom Bilong Yumi
  • Wankain Infomesen
  • Wanpela Kibung Sekit Bilong Lukautim Yumi Long Sait Bilong Spirit
    2009 Wok Kingdom Bilong Yumi
  • Nupela Program Bilong Kibung Sekit
    2008 Wok Kingdom Bilong Yumi
  • Wanpela Bung Bilong Helpim Ol Man Bilong Autim Tok
    2010 Wok Kingdom Bilong Yumi
  • Nupela Program Bilong Kibung Sekit
    2005 Wok Kingdom Bilong Yumi
1991 Wok Kingdom Bilong Yumi
km 1/91 p. 4-5

No Ken Slip​—⁠Ai i Mas Op na Tingting i Klia

1 Ol pasin bilong dispela graun i save senis senis, olsem na long yia bilong wok long 1991, i stret ol i putim as tok bilong kibung sekit olsem “No Ken Slip​—⁠Ai i Mas Op na Tingting i Klia.” (1 Te 5⁠:⁠6) Ol dispela kibung bai kirap long mun Mas. Taim wasman sekit i toksave long ol dispela kibung bai kamap long wanem taim, yumi olgeta i mas stretim rot bambai yumi ken i go long kibung.

2 Sampela tok bilong dispela kibung i gat 4-pela hap bilong en. Ol dispela tok i bilong helpim yumi long “tingting klia oltaim.” (2 Ti 4⁠:⁠5) Maski bipo yumi no bin bihainim stretpela tingting, nau yumi inap mekim wanem na bai yumi inap abrusim ol samting Satan i save kamapim bilong pulim yumi na yumi inap sakim ol pasin bilong dispela graun? No ken lusim dispela bikpela tok bilong kibung. Na dispela tupela de kibung bai kamapim sampela gutpela tok bilong buk Young People Ask. Sapos yu holim dispela buk, gutpela yu kisim i kam long kibung.

3 Long Sarere wasman sekit bai mekim wanpela tok bilong helpim ol yangpela. Olsem na yupela ol yangpela i mas putim gut yau long dispela tok. Na tu ol i stretim rot bilong ol man i ken kisim baptais long Sarere, olsem na sapos yu tingting pinis long kisim baptais, yu mas hariap toksave long wasman siaman paslain long kibung.

4 Long Sande long moningtaim sampela soim bai kamap bilong lainim yumi long olsem wanem ol hevi i painim yumi ol inap strongim yumi, na olsem wanem ol popaia bilong yumi i ken skulim yumi. Long belo bek wasman distrik bai mekim bikpela tok olsem: “Bihainim Gutpela Tingting Namel long Ol Man i Mekim Pasin Longlong.” Olgeta pablisa na ol man i laikim tok bilong Baibel i mas wok strong long kam long dispela bikpela tok.

5 Ol hevi i wok long i go bikpela moa, olsem na ol tok bilong kibung bai helpim yumi na mekim gut bel bilong yumi. Bai yumi kisim save long ol samting yumi ken mekim bambai yumi wantaim famili bilong yumi na ol narapela bilong kongrigesen i ken stap strong long spirit. Yumi mas wok strong bambai yumi no ken lusim wanpela hap tok bilong kibung na yumi mas putim gut yau long harim olgeta tok, long wanem “taim yumi [bin] kamap manmeri bilong bilip long Krais, . . . taim bilong God i laik kisim bek yumi, em i bin i stap longwe yet. Tasol nau dispela taim em i kamap klostu liklik.”​—⁠Ro 13⁠:11.

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim