Ol Miting Bilong Wok Bilong Janueri
Wik i Kirap long Disemba 30
Singsing 199
10 min: Ol toksave bilong kongrigesen.
20 min: “Pilim Tru As Bilong Ol Samting i Kamap Long Nau.” Paslain long miting makim wanpela brata i save gut long kaunim tok na bai em i ken redi long kaunim paragraf. Kaunim pinis paragraf, orait kamapim askim bilong en. Taim yu stori pinis long ol tok bilong paragraf 6, mekim soim long pasin bilong mekim wok long Stori Bilong Mun.
15 min: Mekim Wok Long Buklet Skul na Ol Witnes Bilong Jehova. Wanpela tok. Gutpela sapos wanpela elda, em pikinini bilong em i save go long skul, em i ken mekim dispela tok. Em i mas stori olsem dispela buklet em i gutpela tru bilong papamama Witnes i mekim wok long en bilong helpim ol bos bilong skul long save long bilip bilong ol Witnes, na dispela buklet inap helpim ol papamama na ol pikinini tu long save long ol samting ol inap insait long en long skul. Long sampela sampela taim papamama i mas toktok wantaim pikinini bilong ol long tok bilong dispela buklet. Taim hevi i painim pikinini long skul, o ol i gat askim long wanpela samting bilong skul, papamama inap mekim wok long dispela buklet bilong bekim ol askim bilong pikinini. Lukim tok i stap long pes 9-11 i stori long Ol Stretpela Lo, na ol tok i stap long pes 17-21 i stori long Ol Holide na Bikpela De Bilong Amamas. Bilong pinisim dispela hap, kirapim papamama long tingim skul bilong pikinini bilong ol, ol i mas kisim gutpela save long skul, na papamama i mas wok gut wantaim ol tisa samting bilong skul.—Buklet Skul, pes 30, 31.
Singsing 164 na beten.
Wik i Kirap long Janueri 6
Singsing 27
10 min: Ol toksave bilong kongrigesen.
20 min: “Givim Bel Long Wok Autim Tok—Namba 3 Hap.” Paslain long miting makim wanpela brata i save gut long kaunim tok na bai em i ken redi long kaunim paragraf. Kaunim pinis paragraf, orait kamapim askim bilong en. Taim yu stori long ol tok bilong paragraf 4, tokim wanpela pablisa i save gut long autim tok long mekim wanpela soim long pasin bilong helpim nupela pablisa long taim ol i autim tok. Mekim wanpela soim olsem: Nupela pablisa i traim pasin bilong autim tok, na em i kamapim sampela tok pablisa i bin lainim em long en, olsem ol tok bilong bekim long man bilong haus taim em i kamapim sampela tingting o bilip bilong em yet bilong daunim tok bilong ol Witnes.
15 min: Ol i Pas Gut Wantaim Olsem Brata Brata Long Nepal. Wanpela brata i stori long ol tok i stap long pes 9 bilong Wastaua bilong Septemba 1, 1991.
Singsing 92 na beten.
Wik i Kirap long Janueri 13
Singsing 59
10 min: Ol toksave bilong kongrigesen. Ripot bilong ol akaun.
20 min: “Buk-Stadi Bilong Kongrigesen—Namba 4 Hap.” Paslain long miting makim wanpela brata i save gut long kaunim tok na bai em i ken redi long kaunim gut paragraf. Kaunim pinis paragraf, orait kamapim askim bilong en. Helpim olgeta brata sista long save, ol i mas tingim gut olgeta manmeri i kam long Buk-Stadi.
15 min: “No Ken Bagarapim Tingting Bilong Ol Pikinini Bilong Yupela.” Tupela brata i stori long ol tok i stap long pes 29-31 bilong Wastaua bilong Oktoba 1, 1991. Stori long bikpela wok bilong papamama, na kamapim sampela tok bilong helpim ol papamama long hap bilong yupela.
Singsing 116 na beten.
Wik i Kirap long Janueri 20
Singsing 107
10 min: Ol toksave bilong kongrigesen.
20 min: Painim Ol Man i Gat Gutpela Bel na Lainim Ol. Wanpela tok. Toktok wantaim sampela brata sista. Kamapim bikpela tok bilong Matyu 10:11. Long nau, taim yumi autim tok, yumi no save bungim planti man long ol haus, na dispela samting inap mekim na wok autim tok bilong yumi i no kamap gutpela, na yumi no kisim amamas long wok bilong yumi. Orait, yumi ken mekim wanem? Taim i no gat man i stap long haus, yumi mas raitim namba bilong dispela haus long wanpela notbuk, na kwiktaim go bek painim wanpela man long dispela haus. Sampela brata sista i save autim tok long apinun, na ol i bungim planti man em pastaim ol i no bin i stap long haus; olsem na sapos i gat rot na i no gat planti raskol, ating yu inap autim tok long apinun. Narapela gutpela rot bilong autim tok, em long ol rot. Sapos yu autim tok long rot na yu bungim wanpela man i harim gut tok, gutpela sapos yu raitim nem na atres bilong em long wanpela notbuk. Makim taim bilong i go lukim em long haus bilong em. (Toktok liklik wantaim tupela o tripela pablisa o painia, em ol i save autim tok long rot na wok bilong ol i kamap gutpela.)
Satan bai wok strong tru long pasim rot na bai yumi no inap bungim ol manmeri i gat gutpela bel. Olsem na yumi mas wok strong long painim ol dispela kain man. Ol “sipsip” i bilong Krais Jisas, na em i tok yumi mas wok long painim ol dispela “sipsip” na givim kaikai long ol. (Lukim Jon 21:15-17.) Olsem na yumi save yumi gat wok long painim olgeta man i stap long olgeta haus, sapos yumi inap mekim olsem.
15 min: Stori Bilong Ol Witnes Bilong Jehova Inap Helpim Yumi. Tupela brata i toktok wantaim long ol dispela tok. Long sampela sampela taim ol i save putim stori bilong sampela Witnes Bilong Jehova long ol Wastaua na Kirap! Sapos yu laik save ol dispela stori i stap long wanem magasin, yu ken lukim Indeks i stap long olgeta Wastaua na Kirap! bilong mun Disemba. (Stori long rot bilong painim ol dispela stori long ol magasin.) Gutpela sapos yumi kaunim gut ol dispela stori, long wanem ol inap strongim na helpim yumi. Mekim wok long ol dispela stori bilong strongim ol brata sista bilong yumi na helpim ol Baibel-stadi bilong yumi tu.
Stori liklik long ol tok i stap long Wastaua bilong Septemba 1, 1991, pes 10-14, het-tok bilong en: ‘Krai na Planim Kaikai, Amamas Long Kisim Kaikai i Mau.’ (Sng 126:5) Stori tu long tok bilong Wastaua bilong Oktoba 1, 1991, pes 23-27, het-tok bilong en: ‘Ol Man i Wetim Jehova i Helpim Ol, Ol i Ken Amamas.’
Kamapim sampela bikpela tok bilong dispela tupela stori, em ol inap helpim yumi long (a) autim tok, na (b) sanap strong long taim bilong hevi, na (c) pilim tru gutpela pasin bilong Jehova na wok bilong oganaisesen bilong em, na (d) amamas long bikpela lain brata bilong yumi em ol i stap long olgeta hap bilong graun. Yumi mas “bihainim pasin bilong ol man i bilip tru na i no les kwik, na ol i kisim olgeta samting bipo God i tok long givim long ol.” Sapos yumi mekim olsem, dispela samting bai helpim tru yumi.—Hi 6:12.
Singsing 18 na beten.
Wik i Kirap long Janueri 27
Singsing 107
10 min: Ol toksave bilong kongrigesen.
20 min: “Givim Bel Long Wok Autim Tok—Namba 4 Hap.” Paslain long miting makim wanpela brata i save gut long kaunim tok na bai em i ken redi long kaunim paragraf. Kaunim pinis paragraf, orait kamapim askim bilong en.
15 min: Sampela Stori long Wok Bilong Kingdom. Wanpela brata i ken lukautim dispela hap. Gutpela sapos em i wokim gutpela mep long blekbot, na bai ol brata sista inap save ol dispela kantri i stap we.
Ailan Verjin Bilong Inglan: Long mun Me inap olsem 136 pablisa i autim tok, em namba wan taim bikpela lain olsem i autim tok long dispela hap. Na ol i mekim 206 Baibel-stadi, em namba wan taim ol i bin mekim planti Baibel-stadi olsem.
Reunion: Long mun Me lain pablisa i go bikpela inap 11 pesen—i gat 1,926 pablisa i autim tok. Em namba wan taim bikpela lain olsem i autim tok.
Sen Lusia: Long mun Me i gat 475 pablisa, em namba wan taim bikpela lain olsem i autim tok. Lain pablisa i go bikpela inap 8 pesen. Na ol i mekim 617 Baibel-stadi, i winim yia i go pinis inap 22 pesen.
Kenya: Lain pablisa long Kenya i go bikpela, winim 6,000—em namba wan taim bilong ol long winim dispela mak, na long mun Me, inap olsem 6,065 i autim tok.
Papua Niugini: Lain pablisa long Papua Niugini i go bikpela gen, na long mun Julai, inap olsem 2,642 i autim tok.
Ailan Verjin Bilong Amerika: Long mun Me lain pablisa i go bikpela inap 19 pesen—inap olsem 560 pablisa i autim tok.
Korea: Long mun Me, inap olsem 65,260 pablisa i autim tok. Insait long 89 mun i go pinis, inap 84 taim dispela lain pablisa i go bikpela.
Long Korea, wanpela meri i gat long wokim pilai long televisen, tasol dispela samting i mekim na em i no amamas na marit bilong em i bruk. Em i lukim gutpela pasin bilong wanpela wanwok bilong em, em wanpela Witnes Bilong Jehova, na em i laikim tru dispela pasin bilong em, olsem na em i orait long dispela Witnes wanwok i stadi wantaim em. Bihain, olsem long Jun 1989, em i kisim baptais. Em i mekim wok painia haptaim inap wanpela mun, na em i amamas long mekim dispela wok. Taim em i go long haus bilong ol man long autim tok, ol i luksave long em. Em i tok, nau em i laik bai ol manmeri i save em i wanpela Witnes Bilong Jehova, na em i no laik bai ol i tingim em i wanpela meri bilong wokim pilai long televisen.—yb-E 1991, pes 51.
Filipin: Long mun Epril, ol i dediketim nupela haus brens, na inap olsem 1,718 i bin bung bilong harim tok. Long mun Epril, inap olsem 110,225 pablisa i autim tok, na dispela lain i bikpela moa, winim olgeta mun bipo.
Singsing 191 na beten.