Ol Miting Bilong Wok Bilong Februeri
Wik i Kirap long Februeri 7
Singsing 101
10 min: Ol toksave bilong kongrigesen.
20 min: Autim Tok Wantaim Buk Yu Inap i Stap Oltaim Long Paradais Long Graun. Wasman bilong wok autim tok i mekim wanpela sotpela tok i kirapim tru ol brata. Em bai stori long gutpela wok buk i bin mekim bilong helpim ol man long kisim save long Jehova na lotu long em. Redim gut na mekim tupela soim. Long namba wan soim, makim olsem wanem wanpela pablisa i ken mekim wok long ol tok bilong Wok Kingdom Bilong Yumi bilong redim wanpela tok bilong tilim dispela buk long taim bilong autim tok. Long namba tu soim pablisa i ken mekim tru wok bilong tilim dispela buk taim em i autim tok long ol haus.
15 min: Kisim Stretpela Tingting Long Marimari Bilong God. Wanpela tok bilong elda: “Kisim Stretpela Tingting Long Marimari Bilong God.” Kisim dispela tok long Wastaua, Oktoba 1, 1993, pes 22-25.
Singsing 116 na beten.
Wik i Kirap long Februeri 14
Singsing 147
10 min: Ol toksave bilong kongrigesen. Mekim liklik tok long sampela tok bilong ol nupela magasin i gutpela long kamapim long ol man long teritori bilong yumi. Tokim ol nau yumi mas redi long Memorial long mun i kamap bihain. Nau ol pablisa i ken wok long kirapim ol Baibel-stadi bilong ol long kam long Memorial. Givim pepa bilong singautim ol man long kam long Memorial long olgeta man yumi stadi wantaim ol na ol narapela i gat laik long kam. Toksave long ol bung bilong i go autim tok long Sarere Sande.
20 min: “Go Long Ol Miting—Em Bikpela Samting.” Ol askim na bekim. Taim yu stori long paragraf 2 toktok wantaim sampela pablisa i winim pinis sampela hevi long kam long ol miting long olgeta taim.
15 min: Wok Autim Tok Bilong Kongrigesen. Wasman bilong wok autim tok na narapela elda i skelim wok autim tok bilong kongrigesen long ol 5-pela mun i go pinis. Planti mun bilong dispela yia bilong wok i go pinis (Septemba i go long Janueri). Olsem wanem long kongrigesen bilong yumi? Mekim tok amamas long ol gutpela wok samting kongrigesen i mekim. Na stori long sampela wok samting em kongrigesen i ken mekim i kamap gutpela moa yet, na olsem wanem ol i ken mekim. Stori long wanpela o tupela gutpela ekspiriens bilong autim tok i bin kamap long dispela 5-pela mun bilong yia bilong wok. Mekim sotpela ekspiriens tasol. Bilong pinisim tok, mekim tok i strongim bel bilong ol brata. Taim Jisas i autim tok, em i kisim amamas long dispela wok. Yumi tu bai kisim bikpela amamas sapos yumi wok strong long wok em Jehova i bin givim long yumi.—Jo 4:34; 1 Ko 15:58.
Singsing 154 na beten.
Wik i Kirap long Februeri 21
Singsing 167
10 min: Ol toksave bilong kongrigesen. Ripot bilong ol akaun. Tok tenkyu long kongrigesen long ol kontribusen ol i bin givim bilong helpim kongrigesen bilong ol yet na bilong helpim wok bilong Sosaiti long wokim ol Haus Kingdom. Toksave long ol bung bilong i go autim tok long Sarere Sande.
15 min: “Memorial—Redim na Mekim.” Brata i lukautim dispela hap i mas toktok gut wantaim kongrigesen long (1) ol samting ol i mas redim bilong Memorial na (2) pasin bilong mekim Memorial.
20 min: “Go Bek Bilong Helpim Man.” Toktok wantaim kongrigesen long dispela tok. Mekim wok long ol askim i stap long pinis bilong ol paragraf. Bilong helpim ol brata i save mekim wok long ol olpela buk samting, mekim soim long olsem wanem ol i ken mekim gobek long wanpela man i bin kisim wanpela buk olsem. O mekim soim bilong go bek long man i bin kisim buk Yu Inap i Stap Oltaim Long Paradais Long Graun. Mekim wok long ol tok i stap long pes 14 na 15.
Singsing 176 na beten.
Wik i Kirap long Februeri 28
Singsing 178
10 min: Ol toksave bilong kongrigesen. Kirapim ol brata sista long mekim wok long ol nupela magasin long taim ol i autim tok long dispela Sarere Sande.
20 min: “Autim Tok Long Teritori Yumi Autim Tok Planti Taim Long En.” Wasman bilong wok autim tok i lukautim dispela hap. Ol askim na bekim. Mekim wanpela soim bilong kirap bilong tok i stap long buk Reasoning long pes 10, paragraf 2. Em i tok olsem: “Mipela i wok long toktok wantaim ol man long rot bilong kisim sampela gutpela tingting bilong helpim yumi long ol hevi bilong yumi. Bipo ol man i save lukim Baibel bilong kisim gutpela tingting. Tasol nau sampela man i no bilip tumas long Baibel. Olsem wanem long yu? Yu bilip olsem Baibel em i Tok bilong God? . . . Sapos tru em i buk bilong God, olsem wanem yumi ken save tru long dispela?” O yu ken mekim wok long narapela gutpela kirap bilong tok i stap long paragraf 6, em i tok olsem: “Yes, mipela i toktok wantaim ol man long ol samting yumi ken mekim bilong i stap gutpela. I gat planti pasin raskol i bagarapim sindaun bilong yumi long nau, a? Olsem wanem? Yu ting bihain bai yumi inap wokabaut long rot long nait na yumi no ken pret? (O yu ken tok, Yu ting i gat wanpela man i save long rot bilong stretim dispela kain hevi?) . . . (Snd 15:3; Sng 37:10, 11).” O yu ken mekim wok long wanpela kirap bilong tok i stret long teritori bilong yu. Redim gut ol soim.
15 min: Askim. Wanpela tok, na brata i lukautim dispela hap i ken kamapim sampela askim. Helpim olgeta brata sista long save gut, bilong wanem ol i mas bihainim ol tok i stap long paragraf wan inap long paragraf 3. Sampela taim sampela man i kros na i ring i kam long Sosaiti o ol i raitim pas na ol i tok ol i bin toksave planti taim long ol Witnes Bilong Jehova long ol i no ken kam autim tok moa long ol, tasol ol Witnes i kam yet. Olsem na taim yumi go autim tok long ol haus yumi mas lukim karamap bilong mep bilong teritori na bai yumi ken save, long dispela teritori i gat sampela man i no laik yumi autim tok moa long ol o nogat.
Singsing 179 na beten.