Bilong Kuskus na Wasman Bilong Wok Autim Tok

Long olgeta yia Wok Kingdom bilong Februeri i toksave long kuskus na wasman bilong wok autim tok long ol i mas “skelim wok bilong olgeta painia oltaim.” I gat wanem as na ol i mas skelim wok bilong ol painia? Olsem: Bilong ol i ken save husat ol i mas helpim ol na bai ol inap winim mak bilong aua long pinis bilong yia bilong wok.

Ol painia oltaim i mas autim tok inap 1,000 aua long olgeta yia. Long pinis bilong mun Februeri sampela painia i save ol i sot long ol aua na dispela i mekim ol i bel hevi. Ol elda i ken helpim ol painia, strongim bel bilong ol, na givim sampela gutpela tok long ol long ol samting ol i ken mekim bambai ol i ken kisim mak bilong aua ol i mas kisim. Dispela inap helpim gut ol na bai ol i no ken lusim wok painia.

Ol painia bai pilim tru ol samting ol elda i mekim bilong helpim gut ol. Na sapos ol i mekim yet wok painia na amamas long mekim olsem, dispela bai helpim kongrigesen olgeta.