Helpim Ol Man Long Kisim Save i Bringim Man Long Laip
1 Aposel Pol i tok ‘God i laik kisim bek olgeta manmeri, bai ol i ken save long as bilong tok tru.’ (1 Ti 2:4) Yumi ken mekim wanem bilong helpim ol man long kisim dispela save? Yumi mas go bek lukim ol man i bin amamas long kisim buk Save i Bringim Man Long Laip Oltaim. Dispela buk i kamapim klia ol tok i tru bilong Baibel. Olgeta kain man, sapos ol i stadi long dispela buk, bai ol i kisim save i bringim man long laip oltaim. Yumi ken tok wanem bilong kirapim ol man na ol i laik bai yumi stadi wantaim ol long dispela buk?
2 Sapos yu bin toktok wantaim man long beten, yu ken traim kirapim stadi olsem:
◼ “Ating yu bin amamas long ol tok bilong beten yumi bin stori long en long buk Save i Bringim Man Long Laip Oltaim. Mi tok pinis bai mi kam bek na stori moa wantaim yu long olsem wanem ol man i beten long God ol i ken harim tok bilong em. Lukim dispela tok long pes 158. [Kaunim paragraf 18.] Olsem na sapos yumi yet yumi stadi long Baibel, i olsem yumi harim ol tok God i laik mekim long yumi. Dispela bai helpim yumi long go klostu moa long em na karim ol hevi i save painim yumi long olgeta de, em yumi beten tokim God long en. Bai mi amamas long stadi wantaim yu long Baibel.” Sapos man i orait long dispela, kirapim stadi long namba wan sapta bilong buk Save.
3 Taim yu autim tok long man long namba wan taim na yu bin tokim em long stadi, yu ken tok:
◼ “Mi kam lukim yu gen, long wanem, mi laik stori moa wantaim yu long pasin bilong mipela long mekim Baibel-stadi, no gat pe. Yu bin kisim dispela buk Save i Bringim Man Long Laip Oltaim, em mipela save mekim wok long en bilong helpim ol man long stadi. Buk hia i kirapim yumi long tingim Tok Bilong God. [Kaunim paragraf 23 long pes 22.] Sapos yu kisim buk bilong yu, yumi ken stadi moa long dispela hap yumi bin stori long en long wik i go pinis.” Sapos namba wan taim yu autim tok long em yu no bin kirapim stadi, yu ken tok: “Ating nau em i gutpela taim bilong mi ken soim yu pasin bilong mipela long mekim Baibel-stadi.” Stori long sampela paragraf, na nau stretim rot bilong go bek na stadi wantaim em.
5 Sapos yumi mekim gutpela wok long buk Save, dispela bai helpim yumi long helpim ol man long kisim stretpela save na ol blesing. (Snd 15:7) Dispela save bai helpim man i gat gutpela bel long kisim amamas, na em bai strongim em long bihainim ol stretpela pasin bilong Jehova, na bringim em long laip oltaim.