Ol Miting Bilong Wok
HARIM: Kirap long dispela Wok Kingdom bilong Disemba, mipela bai putim ol tok bilong namba wan miting bilong mun antap long hap Ol Miting Bilong Wok. Sampela taim yupela i save kisim ol Wok Kingdom bihaintaim, olsem na mipela i kamapim dispela senis bambai yupela i gat yet ol hap bilong miting bilong wok bilong mekim.
Wik i Kirap Long Disemba 6
Singsing 207
10 min: Ol toksave bilong kongrigesen. Sampela Toksave bilong Wok Kingdom.
15 min: “Mekim Wankain Pasin Long Olgeta Man Olsem Jehova i Save Mekim.” Kirap bilong tok i no ken abrusim wanpela minit, na bihain mekim askim na bekim. Stori long insait bilong dispela tok mekim wankain pasin long olgeta man, na olsem wanem Jehova i save mekim dispela pasin, na olsem wanem yumi ken mekim dispela pasin long taim yumi autim tok.—Lukim buk Insight, Volyum 1, p. 1192, par. 4-7.
20 min: “Yumi Harim Pinis Dispela Tok, a?” Mekim olsem wanpela tok na mekim sampela askim. Askim ol brata sista long stori long olsem wanem pasin bilong harim gen ol tok i bin helpim ol long save gut na pilim tru tok i tru.—Lukim Wastaua, Julai 15, 1995, p. 21-22, na Ogas 15, 1993, p. 13-14, par. 10-12.
Singsing 218 na beten.
Wik i Kirap Long Disemba 13
Singsing 168
10 min: Ol toksave bilong kongrigesen. Ripot bilong ol akaun. Kamapim sampela tok long pasin bilong bekim gut tok sapos man i tok “Meri Krismas,” o “Hepi Nu Yia” long yumi. Stori long olsem wanem yumi ken mekim gutpela wok long buk Nambawan Man long taim yumi autim tok long taim bilong krismas.
15 min: “Skul Bilong Wok Autim Tok Bilong Yia 2000.” Wasman bilong Skul Bilong Wok Autim Tok i mekim olsem wanpela tok. Kamapim ol senis i stap long sedyul bilong nupela yia. Taim yu lukim dispela mak (#) long arere bilong wanpela tok, gutpela sapos wanpela brata i mekim dispela tok. Strongim olgeta long kaunim Baibel long olgeta wik na wok strong long mekim tok bilong ol long skul na no ken lusim.
20 min: “Singautim Ol Man Long Bihainim Nambawan Man Tru.” Kamapim sampela askim. Redim tupela sotpela soim. Tokim ol brata sista long raitim gut ol tok long notbuk; kolim sampela samting ol i mas raitim.
Singsing 220 na beten.
Wik i Kirap Long Disemba 20
Singsing 219
10 min: Ol toksave bilong kongrigesen. Askim ol pablisa long kamapim sotpela gutpela ekspiriens ol i kisim long wok autim tok i no longtaim i go pinis.
15 min: “Kirapim Ol Long Bihainim Em.” Kamapim sampela askim. Mekim tupela sotpela soim. Tokim ol brata sista long mekim wok long sampela hap taim bilong ol long autim tok long wan wan wik long mekim ol gobek.
20 min: Mi Inap Kisim Wok Mani Long Wanpela Lain Bilong Lotu? Wanpela elda i ken mekim dispela tok, na em i kisim tok long Wastaua bilong Epril 15, 1999, p. 28-30. Sampela brata i bin kisim kain wok olsem, na bihain ol i save olsem samting ol i mekim i no stret wantaim ol lo bilong Baibel. Kamapim ol askim yumi mas tingim taim yumi laik mekim wanpela wok mani long wanpela haus lotu samting. Strongim olgeta long strong long bihainim stretpela pasin na bai ol i gat gutpela nem long ai bilong Jehova.—2 Ko 6:3, 4, 14-18.
Singsing 109 na beten.
Wik i Kirap Long Disemba 27
Singsing 166
10 min: Ol toksave bilong kongrigesen. Sapos kongrigesen bilong yupela bai senisim taim bilong ol miting long yia 2000, orait long gutpela pasin kirapim olgeta long kam long olgeta miting long ol nupela taim. Tokim ol pablisa long toksave long ol Baibel–stadi na ol nupela sapos i gat sampela senis, na givim ol nupela pepa bilong singautim ol man i kam long miting. Toksave long ol pablisa long putim ripot bilong Disemba.
15 min: Bekim Tok Long Man i Katim Tok. Stori wantaim ol brata sista long dispela tok na mekim sampela soim. Kaunim “Sampela Tok” long pes 15-16 long buk Toktok Gut. Stori long tupela o tripela tok bilong “katim tok” long pes 16-20, o stori long sampela tok em planti taim ol man i save mekim long yupela long teritori. Kamapim sampela tok yumi ken bekim na i stap long buk, na kamapim olsem wanem dispela bekim i gutpela long teritori. Mekim sotpela soim long sampela. Askim ol brata sista long stori long sampela bekim ol i bin kamapim na gutpela samting i kamap.
20 min: Tilim Ol Olpela Buk Long Janueri. Wanpela tok na sampela soim. Soim tupela o tripela olpela buk i gat 192 pes, ol i wokim paslain long 1986, na ol i stap long kongrigesen. Kirapim ol pablisa long kisim sampela bilong tilim. (Sapos i no gat ol olpela buk, orait stori long narapela buk bai yumi tilim long Janueri.) Stori gut long as na ol dispela olpela buk i gutpela bilong kirapim ol man long kaunim Baibel. Kolim sampela bikpela tok na piksa i stap long ol dispela buk em i gutpela bilong kirapim tok wantaim ol man. Mekim wanpela o tupela soim long pasin bilong tilim dispela buk. Sapos man i harim tok, kirapim stadi wantaim em long buklet Yumi Mas Mekim Wanem?
Singsing 224 na beten.
Wik i Kirap Long Janueri 3
Singsing 10
8 min: Ol toksave bilong kongrigesen.
17 min: Save Long Pasin Bilong Bekim Tok. (Kl 4:6) Wanpela tok na kamapim sampela askim. Buk Toktok Gut i gutpela buk tru bilong helpim yumi long toktok wantaim ol man long tok i tru bilong Baibel. Sapos man bilong haus i mekim wanpela askim long wanpela samting yumi bilip long en, ating yumi ken mekim wok long hap “Sapos Man i Tok—” long laspela hap i stori long dispela tok ol i laik save long en. Stori long hap i toktok long Baibel long p. 64-68, na kolim as na ol dispela tok bilong bekim i gutpela.
20 min: Wasman bilong wok autim tok i ken mekim olsem wanpela tok na mekim askim long tok “Mipela i Laikim Planti Moa Baibel-Stadi,” long pepa yumi kisim wantaim Wok Kingdom bilong Epril 1998. Stori long ripot bilong ol Baibel-stadi long kongrigesen. Tok amamas long ol gutpela wok kongrigesen i bin mekim. Stori long sampela samting moa kongrigesen i ken mekim bilong kirapim na mekim ol Baibel-stadi, na tu long ol famili–stadi.
Singsing 56 na beten.