Ol Tok Bilong Tilim Ol Nius

Wastaua Jun 1

“Planti man i save go lukim ol glasman pastaim na bihain ol i wokim ol disisen long ol samting ol i laik mekim. Olsem wanem? Yu ting ol sta i stiaim laip bilong yumi? [Larim man i bekim tok.] Sampela lain bilong bipo ol i ting ol sta inap bosim wokabaut bilong yumi. [Ritim 2 King 23:⁠5.] Dispela stori i kamapim tok bilong Baibel long dispela samting.” Soim stori long pes 18.

Awake! Jun

“Sampela lotu i save sasim ol man long taim ol i baptaisim man, mekim tok bilong marit, na givim tok bilong fiuneral. Olsem wanem? Yu ting dispela pasin em i stret? [Larim man i bekim tok.] Lukim dispela tok Jisas i givim long ol disaipel bilong em. [Ritim Matyu 10:​7, 8b.] Dispela stori i kamapim klia ol tok bilong Baibel long pasin bilong ol lotu long sasim ol man i laik kisim helpim long ol.” Soim stori long pes 22.

Wastaua Julai 1

Ritim 1 Jon 5:⁠3. Orait tok: “Planti man i laik bihainim ol lo bilong God, tasol sampela i ting em i orait long mekim pasin stil, tok giaman na mekim ol narapela pasin giaman bilong abrusim sampela hevi. Wanem tingting bilong yu? [Larim man i bekim tok.] Dispela nius i gat ol tok bilong helpim yumi long mekim pasin i tru long olgeta taim.” Soim stori i stap long pes 11.

Kirap! Julai-Septemba

“Planti man i laik lusim pasin bilong smok tasol ol i hatwok tru long lusim. Yu save long wanpela husat i laik lusim pasin bilong smok? [Larim man i bekim tok.] Sampela i pilim olsem ol i kisim gutpela helpim taim ol pren na famili i sapotim ol. [Ritim Saveman 4:12a.] Dispela magasin i kamapim sampela gutpela tok bilong helpim man long lusim pasin bilong smok.”