Rot Bilong Autim Tok

Bilong Kirapim Baibel Stadi Long Namba 1 Sarere Bilong Mas

“Planti man i save selebretim betde bilong Jisas. Yu ting dispela de i bikpela samting o dai bilong em i bikpela samting?” Larim man i bekim tok. Givim em wanpela Wastaua bilong Mas 1 na stori wantaim em long ol tok i stap aninit long namba 1 liklik het tok i stap long pes 16, na ritim na stori long wanpela skripsa. Stretim rot bilong go bek na stori wantaim em long narapela askim.

Wastaua Mas 1

“I gat planti lotu em ol i gat kain kain bilip bilong ol yet na pasin bilong lotu. Yu ting olgeta man em ol i tok ol i Kristen, ol i Kristen tru tru? [Larim man i bekim tok.] Long dispela skripsa Jisas i kamapim klia mak bilong ol Kristen tru. [Ritim Jon 13:34, 35.] Dispela magasin i stori long 5-pela tok Jisas i mekim na i helpim yumi long luksave long ol disaipel tru bilong em.”

Awake! Mas

“Mipela i wok long toktok wantaim ol man long wanpela pasin i wok long i go bikpela. Long nau ol man i save belhat na kros hariap. Yu ting wanem samting i as bilong dispela? [Larim man i bekim tok.] Lukim tok Baibel i mekim long pasin bilong belhat na kros. [Ritim Song 37:8.] Dispela magasin i kamapim ol as na long nau pasin bilong belhat na kros i go bikpela, na tu em i kamapim ol samting yumi inap mekim bilong bosim belhat bilong yumi.”