Vidio Jehovah’s Witnesses—Faith in Action, Part 2: Let the Light Shine
Bihain long Brata Rutherford na ol wanwok bilong em i lusim kalabus long 1919, ol Sumatin Bilong Baibel i kirap mekim bikpela wok. Olsem vidio Jehovah’s Witnesses—Faith in Action, Part 2: Let the Light Shine i soim, ol Sumatin Bilong Baibel bai i gat planti man i birua long ol, save bilong ol long tok bilong Baibel bai i go bikpela, na samting ol i wok long bilip long en bai kamap klia moa. (Snd. 4:18; Mal. 3:1-3; Jon 15:20) Bihain long yu lukim dispela vidio, yu inap bekim ol dispela askim?
(1) Ol Sumatin Bilong Baibel i bihainim wanem ol pasin bilong autim gutnius? (2) Ol i mekim wanem toksave long ol spesel kibung long 1931 na 1935? (3) Wanem bikpela tok i bin kamap long The Watchtower bilong Novemba 1, 1939? (4) Stori long samting i bin kamap long Madison Square Garden taim Brata Rutherford i wok long mekim dispela tok, “Gavman na Gutaim.” (5) Bilong wanem tok bilong Brata Knorr long “Gutaim Bai Stap o Nogat?” i kirapim tru tingting bilong yumi? (6) Long 1942, ol Witnes Bilong Jehova i plen long mekim wanem bambai wok autim tok bilong ol i go bikpela? (7) Stori long ol kot i bin kamap long Amerika, Kanada na Grik. (8) Olsem wanem Skul Gileat i bin helpim wok autim tok i go bikpela? (9) Wanem bikpela wok i bin kamap long 1946? Bilong wanem ol i mekim olsem? (10) Ol Witnes Bilong Jehova i bin mekim wanem bambai pasin bilong ol i stret wantaim ol lo bilong Baibel? (11) Stori long sampela senis em oganaisesen i bin mekim long 1970 samting bambai oganaisesen i bihainim stret tok bilong Baibel. (12) Dispela vidio i helpim yu olsem wanem long save gut moa olsem Jehova i bosim dispela oganaisesen na dispela oganaisesen i bilong em? (13) Olsem wanem dispela vidio i strongim tingting bilong yu long givim bel yet long autim tok maski i gat ol samting i laik pasim dispela wok? (14) Olsem wanem yumi inap mekim wok long dispela vidio long helpim ol wanblut, ol stadi na ol narapela?
Long olgeta de i kam na i go, i gat ol narapela narapela samting i wok long painim ol Witnes Bilong Jehova na i kamap histori bilong yumi. Orait, bihain taim ol i stori long wok autim tok, ol bai tok wanem long wok autim tok yumi bin mekim? Wankain olsem ol brata bilong yumi long pastaim i bin mekim, yumi ken wok yet long givim bel long mekim ‘lait i kamap.’—2 Kor. 4:6.