Yu Save?

(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 23. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)

1. Wanem samting i stap long hap not bilong Graun Bilong Promis na em i wanpela hap i antap tru long hap bilong Palestain? (Josua 12:⁠1)

2. Wanem wanpela pasin bilong Jehova em gutpela ol man tu i bihainim, na dispela pasin i no makim olsem man i no gat bun? (Song 18:​35, NW)

3. Long wanpela nait tasol, ensel bilong Jehova i bin kilim i dai hamas soldia bilong Asiria? (2 King 19:⁠35)

4. Husat i kapsaitim sanda i dia tumas long lek bilong Jisas na mekim drai long gras bilong em? (Jon 12:⁠3)

5. Husat tupela meri Hibru i no bihainim tok bilong Fero long kilim i dai ol pikinini man, olsem na Jehova i bin mekim gut long tupela na ol i karim pikinini bilong ol yet? (Kisim Bek 1:​15-​21)

6. Baibel i kolim wanem king bilong Juda olsem wanpela gutpela king, maski sampela taim em i bin mekim pasin kranki insait long 41 yia em i bin mekim wok king? (1 King 15:​14, 18)

7. Long tok profet bilong ol samting bai kamap gutpela gen, Baibel i tok wanem animal bai “kaikai gras olsem ol bulmakau”? (Aisaia 65:⁠25)

8. Bilong wanem olgeta man bilong Sodom, ol yangpela wantaim ol lapun, ol i kam banisim haus bilong Lot? (Stat 19:​4, 5)

9. Jehova i bin harim beten bilong Samuel, na em i mekim wok long wanem samting bilong paulim ol Filistia bambai ol Israel i ken daunim ol? (1 Samuel 7:​9, 10)

10. Taim Moses i askim Fero long salim ol Israel i go, em i tok i gat wanem as na Fero i mas mekim olsem? (Kisim Bek 5:⁠1)

11. Planti taim Baibel i save kolim wanem hap bilong wanpela diwai i save karim pikinini kaikai, olsem samting bilong makim bel isi? (Lukim Aisaia 17:⁠6.)

12. Wanem buk bilong ol faipela buk em Jon i bin raitim, em i raitim pastaim?

13. Wanpela savetok i tok husat i olsem samting bilong “givim biknem long man bilong en”? (Sindaun 12:⁠4)

14. Husat i no laik bai King Devit i mekim gut long em, long wanem, em i gat 80 krismas, maski i stret long Devit i mekim olsem? (2 Samuel 19:​31-​36)

15. Long tok piksa, Satan i bin paulim hamas lain ensel? (KTH 12:⁠4)

[Blok long pes 23]

Ol Bekim

1. Maunten Hermon

2. Pasin daun

3. 185,000

4. Maria, susa bilong Marta na Lasarus

5. Sifra na Pua

6. Asa

7. Laion

8. Ol i laik reipim ol dispela ensel i stap wantaim em

9. Klaut i pairap

10. Bilong ol i ken go long ples drai nating na mekim bikpela lotu bilong litimapim nem bilong Jehova

11. Diwai oliv

12. Kamapim Tok Hait

13. ‘Meri i save mekim gutpela pasin’

14. Barsilai, man Gileat i kam long Rogelim

15. Wanpela bilong tripela lain