Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • g00 11/8 p. 30
  • Pas Bilong Ol Man

No gat vidio bilong dispela seksen.

Sori, popaia kamap long lodim vidio.

  • Pas Bilong Ol Man
  • Kirap!—2000
  • Wankain Infomesen
  • Pas Bilong Ol Man
    Kirap!—1995
  • Pas Bilong Ol Man
    Kirap!—2000
  • Pas Bilong Ol Man
    Kirap!—1994
  • Pas Bilong Ol Man
    Kirap!—1995
Lukim Moa
Kirap!—2000
g00 11/8 p. 30

Pas Bilong Ol Man

Ol Famili i No Gat Papa  Tenkyu tru long dispela stori “Ol Famili i No Gat Papa​​—⁠Rot Bilong Pinisim Dispela Hevi”! (Februeri 8, 2000) Mi bin bel nogut tru taim marit bilong mi i bruk na mi laik bai kot i tok orait long mi wanpela tasol inap long lukautim pikinini meri bilong mi. Tasol ol dispela stori i helpim mi long luksave olsem pikinini meri bilong mi i mas pas gut wantaim papa bilong em. Pasin bilong pait long husat bai i lukautim pikinini dispela i no inap long stretim hevi.

L. D., long Guam

Olsem wanpela mama singel, mi save wok strong tru long mekim bikpela long pikinini man bilong mi olsem ol lo bilong Baibel i makim. Man bilong mi bilong bipo, em i wanpela bilong ol dispela kain man em yupela i tok em i “no save tingim ol pikinini,” em i no save kamapim olsem em i laikim pikinini man bilong em. Tasol maski em i mekim olsem, mi skulim pikinini bilong mi long laikim papa bilong em na daun long em, olsem stori bilong yupela i kamapim. Nau mi save olsem mi bihainim stretpela pasin na dispela i strongim tru bel bilong mi.

R. S., long Brasil

Papamama bilong mi ol i katim marit taim mi gat 5-pela krismas. Papa bilong mi i no save kamapim olsem em i laikim ol pikinini bilong em. Dispela pasin bilong papa i mekim na mi bel hevi tru, olsem na sampela taim mi ting olsem sapos mi no bin save liklik long em, dispela em i gutpela moa. Mi tenkyu long Jehova olsem taim mi yangpela yet, mi kirap stadi long Baibel wantaim ol Witnes Bilong Jehova. Ol tok i tru bilong Baibel mi kisim save long en ol i helpim mi long daunim dispela tingting nogut olsem papa i bin lusim mi na i daunim pasin bilong bel nogut.

C. B., long Pueto Riko

Klostu 7-pela yia nau, mi wanpela i bin mekim bikpela long 3-pela pikinini man bilong mi, na sampela taim mi save hatwok tru. Olsem: Sampela taim ol pikinini i save bikhet na mi save hatwok tru long stretim ol. Tasol mi save laikim ol tumas, na mi tenkyu long Jehova olsem mi gat ol dispela pikinini. I no longtaim i go pinis na bikpela pikinini bilong mi i kisim baptais, na dispela i kamapim olsem hatwok bilong mi i no lus nating. Ol gutpela stori olsem i save strongim mi long wok strong yet long lukautim ol. Mi bai kaunim ol dispela stori planti taim.

N. B., long Kanada

Papa bilong mi i bin lusim mipela taim mi gat 6-pela krismas. Nau mi gat 21 krismas na mi wok long luksave long ol samting dispela hevi i mekim long mi. Mi save pret tru long marit, long wanem, mi bin ting olsem bihain man bilong mi bai i lusim mi. Na tu, mi pilim olsem mi no inap i stap olsem gutpela meri bilong wanpela man, long wanem, mi no bin kamap insait long wanpela famili i save wok gut wantaim. Tasol dispela stori i strongim tru bel bilong mi. Em i helpim mi long save olsem bihain mi inap kamap wanpela gutpela meri marit i save bihainim stretpela tingting na i laikim tru man bilong em.

E. V. W., long Amerika

Man i Kilim i Dai Em Yet  Mipela i laikim tru ol stori “Man i Kilim i Dai Em Yet​​—⁠Husat i Strong Moa Long Mekim?” (Me 8, 2000) Inap 8-pela mun i go pinis, mama bilong mi i dai wantu tasol. Papa bilong mi i no bin i stap taim mama i dai, na em i pilim olsem em i gat asua. Em i save toktok olsem em i no laik i stap laip moa. Olsem na dispela ol stori i bin helpim tru mitupela wantaim.

R. Z., long Jemani

Tupela yia i go pinis, tumbuna papa bilong mi i bin kilim i dai em yet. Bihain long meri bilong em i dai, tingting bilong em i no wok gut moa. Ol stori bilong yupela i helpim mi long kisim save long as bilong ol samting em i bin mekim.

A. M., long Amerika

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim