Pasin Giaman i Stap Long Olgeta Hap!

Dannya i wok long wanpela bikpela kampani long Hong Kong. Em i go visitim wanpela faktori bilong baim ol samting bilong kampani, tasol em i tok olsem em i gat tupela tingting long faktori bai wokim gut ol dispela samting olsem kampani i laikim o nogat. Bihain, taim Danny i kaikai wantaim maneja bilong faktori, maneja i givim envelop long em. Insait long en, i gat bikpela grismani inap olsem planti tausen dola—wankain olsem pe em i save kisim long wanpela yia.

● Planti man i gat wankain ekspiriens olsem Danny. Long olgeta hap bilong graun, pasin giaman i stap na i go bikpela tru. Olsem, ol pepa bilong kot i soim olsem long 2001 i go inap 2007, wanpela bikpela kampani long Jemani i givim 1.4 bilion dola grismani bilong kisim ol wok kontrak.

Maski pasin giaman bilong sampela bikpela kampani i bin kamap ples klia na ol i kamapim sampela nupela lo bilong stretim dispela, i luk olsem dispela pasin i wok long i go nogut moa yet. Long 2010, lain Transparency International i painimaut olsem long olgeta hap bilong graun “pasin korapsen i go bikpela moa yet insait long 3-pela yia i go pinis.”

Bilong wanem pasin giaman i go bikpela tru? Onest pasin inap helpim yumi? Sapos olsem, em inap helpim yumi olsem wanem? Baibel inap helpim yumi?

[Futnot]