Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • g 8/15 p. 10-11
  • Ol Man i Kisim Save Long Baibel i Lain Long Rit na Rait

No gat vidio bilong dispela seksen.

Sori, popaia kamap long lodim vidio.

  • Ol Man i Kisim Save Long Baibel i Lain Long Rit na Rait
  • Kirap!—2015
  • Wankain Infomesen
  • Rit Rait Insait Long Lain Bilong God
    Kirap!—1994
  • Pikinini Bilong Mi i Mas Go Long Skul o Nogat?
    Wastaua i Tokaut Long Kingdom Bilong Jehova—2003
  • Wanpela Skul Planti Man i Insait Long En
    Kirap!—2001
  • Hau God i Save Tingim Ol Yaupas
    Sampela Moa Topik
Lukim Moa
Kirap!—2015
g 8/15 p. 10-11
Wanpela Witnes Bilong Jehova i stap olsem tisa bilong skulim ol man long rit na rait

Ol i bin wokim planti milion kopi bilong buklet Wok Strong Long Lain Long Rit na Rait, na ol i prinim dispela buklet long winim 100 tokples

Ol Man i Kisim Save Long Baibel i Lain Long Rit na Rait

“Olgeta man i gat rait long skul long rit na rait, long wanem, dispela save bai helpim ol long lukautim ol yet, na tu, ol bai gat gutpela sindaun.”—UNESCO.a

OL RIPOT i soim olsem long graun olgeta, winim 700 milion man em ol i gat 15 krismas na i go antap i no save long rit na rait. Olsem na ol i no inap long kisim save long planti samting, na dispela i makim tu tok i tru na ol stretpela lo bilong Baibel em “ol i bin raitim bilong skulim yumi.” (Rom 15:4) Long sampela kantri, ol Witnes Bilong Jehova i mekim ol fri Baibel stadi kos wantaim ol man, na long dispela rot ol i skulim ol long rit na rait. Olsem wanem? Dispela kos i helpim ol man?

Yumi ken stori long wok bilong ol Witnes Bilong Jehova long Meksiko, em kantri we klostu olgeta man i mekim tok Spen. Kirap long yia 1946, ol Witnes i skulim winim 152,000 sumatin bilong Baibel long rit na rait, na bihain planti bilong ol dispela sumatin i skulim ol narapela. Gavman long Meksiko i luksave long gutpela wok ol Witnes i mekim, na ol i raitim planti pas bilong tok tenkyu long ol. Long wanpela pas bilong ol, ol i tok: “Lain General Board of Education i amamas na i laik tok tenkyu long gutpela wok bilong yupela long helpim Adult Education Program.”

Long rot bilong dispela program ol yangpela na ol lapun i kisim helpim. Olsem, Josefina i gat 101 krismas taim em i putim nem long insait long program bilong rit na rait. Na insait long 2-pela yia em i pinisim dispela kos!

Maski planti man long Meksiko i mekim tok Spen, ol Witnes i no skulim ol man long rit na rait long tok Spen tasol, nogat. Long yia 2013, ol Baibel stadi kos i helpim 8-pela narapela narapela asples lain long Meksiko long lain long rit na rait long tokples bilong ol.

Tru tumas, taim yu save long rit na rait, nau rot i op long yu inap kisim save long planti samting. Na tu, pasin bilong rit na rait i helpim olgeta kain man long ritim Baibel. Na dispela i bikpela samting, long wanem, Baibel em buk i kam long God na em inap long helpim ol man long sakim ol tingting kranki na ol pasin nogut, na lusim olkain bilip giaman.—Jon 8:32.

a Lain United Nations Educational, Scientific, and Cultural Organization.

FAMILI BILONG EM I KIRAP NOGUT

Daniel em wanpela yaupas i lukim DVD bilong tokples Sain Bilong Meksiko, na long wankain taim em i rait long buk

Long rot bilong wanpela DVD, Daniel i lain long mekim tokples Sain Bilong Meksiko

Daniel em wanpela yaupas, olsem na i hatwok long em i toktok wantaim ol narapela. Dispela i mekim na sampela taim em i belhat na kros long famili bilong em. Taim Daniel i gat 23 krismas, Josué em wanpela Witnes husat i yaupas i kirap long stadi long Baibel wantaim em. Pastaim Josué i mekim olsem long rot bilong ol piksa na pasin bilong wokim han na pes samting. Bihain, long rot bilong ol DVD Daniel i lain long mekim tokples Sain Bilong Meksiko.b

Daniel i pilim tru ol tok bilong Baibel em i lainim, na em i kisim ol “nupela pasin” na bihainim. Em ol pasin olsem “bikpela pasin sori, pasin helpim, pasin daun, pasin isi, na pasin bilong i no les kwik.” (Kolosi 3:10, 12) Na tu, Daniel i tingim tok bilong Baibel olsem yumi mas bihainim tok bilong papamama na onarim ol. (Efesus 6:1, 2) Famili bilong em i kirap nogut long lukim ol senis em i mekim! Mama bilong Daniel i aiwara na i tok tenkyu long Josué i bin helpim pikinini bilong em long kisim save long God. Long 2007, Daniel i kisim baptais olsem wanpela Witnes Bilong Jehova.

b Long Meksiko, inap olsem 46 buk na nius bilong ol Witnes Bilong Jehova i stap long DVD long tokples Sain Bilong Meksiko. Web-sait bilong mipela, em jw.org i gat ol buk na nius na vidio samting long klostu 80 tokples bilong sain. Na tu, i gat ol buk na nius long brel bilong helpim ol aipas long rit.

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim