Bihain Tu Bai God i Bagarapim Ol Man Nogut?
22 Ol manmeri long nau tu ol i mekim pasin nogut. Lukim dispela piksa. Ol manmeri i mekim wanem ol pasin nogut?
23 Sampela man i kilim i dai narapela man. Tasol God i tok yumi no ken mekim olsem.—Kisim Bek 20:13; 1 Jon 3:11, 12
24 Sampela i save stil. God i tok yumi no ken stil.—Kisim Bek 20:15; Efesus 4:28
25 Sampela man i save maritim planti meri. Sampela man i gat tupela o tripela meri ol i save stap long narapela narapela haus. Na sampela man na meri i save sindaun wantaim, tasol ol i no marit tru. Baibel i tambuim olgeta dispela pasin.—Matyu 19:4-6; 1 Korin 7:1-4; 1 Timoti 3:1, 2
26 God i givim wanpela meri tasol long Adam, a? Yu tingim?—Stat 2:22, 24
27 Sampela man i save lotuim piksa bilong Maria samting. God i tok yumi no ken wokim piksa o wanpela god giaman bilong lotuim.—Kisim Bek 20:4, 5; Aisaia 44:9-17; 1 Jon 5:21
28 Jehova bai bagarapim ol man nogut ol i no senisim pasin bilong ol.—Song 37:9, 10; Luk 13:5; 1 Korin 6:9, 10