Yumi Mas Mekim Wanem Bilong Amamasim God?

Abrusim ol pasin nogut. 1 Korin 6:9, 10

Sapos yumi laikim tru Jehova, bai yumi no mekim wanpela samting em i no laikim.

Jehova i no laik bai yumi stil, dring spak, o kisim ol drak.

God i heitim pasin bilong kilim man i dai, rausim bel, pasin bilong tupela man i slip wantaim o tupela meri i slip wantaim. Em i no laik bai yumi mekim pasin gridi o pait wantaim ol narapela.

Yumi no ken lotuim ol imis o insait long wok bilong ol spirit nogut.

Ol man i mekim pasin nogut ol i no inap i stap long Paradais bai kamap bihain.

Mekim ol gutpela pasin. Matyu 7:12

Bilong amamasim God, yumi mas traim long bihainim pasin bilong em.

Soim pasin laikim long ol narapela long rot bilong mekim pasin helpim na givim ol samting.

Abrusim olkain pasin giaman.

Bihainim pasin marimari na pasin bilong fogivim ol narapela.

Tokim ol narapela long Jehova na ol pasin bilong em.—Aisaia 43:10.