Namba 10 Hap

Olsem Wanem Long Yu Long Bihain?

Ol yangpela long nau i go bikpela long taim nogut na i olsem bai ol i no inap i stap long bihain. Bikpela bagarap inap kamap long rot bilong pait nuklia, na graun na win na wara i laik bagarap, na i gat bikpela hevi long mani samting. Tasol ating yu no tingting tumas long bagarap i laik painim olgeta man bilong graun. Ating yu tingting planti long ol samting i laik painim yu yet, na yu save askim skin bilong yu, olsem: Olsem wanem long mi inap 10 o 20 o 30 yia bihain?

Tasol yu no ken tingting planti long i stap bilong yu long bihain. I gat as tru na yu ken wetim gutpela samting i painim yu. Tasol ol samting yu mekim long nau i as bilong ol samting bai painim yu long bihain.