Yu Save Stap Bel Isi Long Sindaun Bilong Yu?
Gutpela Sindaun Bai Kamap Liklik Taim Bihain!
“Ol King na ol man bilong graun i no inap kisim bek yu. Olsem na nogut yu bilip long ol.” (Sam 146:3, Baibel Pisin) Dispela tok bilong bipo em i gutpela bilong yumi ol man bilong nau i ken tingim, long wanem, nau ol man bilong politik na saiens na misin na ami ol i traim kamapim kain kain samting bilong stretim ol hevi bilong ol man.
Bilong wanem yumi no ken bilip long ol bikpela man? Long wanem, i no wok bilong ol long stretim dispela hevi. Baibel i tok: “Dispela graun wantaim olgeta samting i stap long en, em olgeta manmeri bilong ples, ol tu i bilong God.” (Sam 24:1, Baibel Pisin) Tru, graun i bilong Jehova, tasol em i givim long ol man bilong mekim gutpela wok long en.—Jenesis 1:28; Aisaia 66:1.
Olsem wanem? Ol man i bin laukautim gut dispela graun na mekim gutpela wok long en? Inap God i ken larim ol i stap yet long en? Ol man i no bin lukautim gut graun. Planti pipia i pulap long olgeta hap. Ol i tromoi pipia long ol rot na long ol wara na long nambis. Ol i bagarapim graun. Ol i bihainim laik bilong ol yet. Ol i no tingting long bihain bai ol gutpela man tasol i stap long dispela graun.
Sapos sampela man i sindaun long haus bilong wanpela man na ol i no baim, na ol i bagarapim ol samting , ol bai gat kot na gavman bai rausim ol long dispela haus. Olsem tasol Bikpela king Jehova bai rausimol man i save bagarapim graun. Em inap mekim, long wanem, em i papa bilong dispela graun. Em yet i bin wokim. Na em i no wokim nating. Em i wokim bilong kamapim ol gutpela wok.—Aisaia 45:18.
Kain Samting Olsem i Bin Kamap Bipo?
Inap 3,500 yia bipo Jehova I bin givim ples Promis long ol Isrel, na em i givim lo long ol Isrel, na em i givim lo long ol olsem: “Yupela i no ken bagarapim dispela graun yupela i stap long en; blut i save bagarapim graun … Yupela i no ken bagarapim graun … Yupela i no ken bagarapim dispela graun. Em yupela stap long en” (Nambas 35:33, 34) Tasol long dispela taim bipo na i kam inap long nau, ol man i bin kapsaitim blut bilong planti man. Planti milion man i bin dai long pait. Ol i lain politik na misin i as bilong planti pait. Na long nau pasin nogut i bagarapim planti man, na planti meri i save rausim bel.
Ol Isrel bilong bipo i sakim lo bilong Jehova, olsem na ol i kisim nogut—ol birua i rausim ol long graun bilong ol. Na ol Juda i mekim olsem tu. Baibel i tok: “Ol i abrusim ol lo, na ol i senisim ol lo, na ol i brukim ol kontrak, olsem na graun i bagarap.” (Aisaia 24:5) Ol birua i kisim ol i go wok kalabus inap 70 yia. Na Jehova bai rausim ol bikhetman long nau tu —Luk 21:25-36.
Baibel i tok God bai rausim ol man nogut. Liklik taim bai Amagedon i kam. Amagedon i no pait bilong ol gavman o komyunis samting. Nogat. God yet bai wokim, na bihain em bai bosim graun. Ol spirit nogut wantaim sampela man ol i wok aninit long ol dispela spirit ol i birua long Jehova. Ol yet i laik bosim graun. Ol i no laik bai Jehova i bosim. (Efesas 6:12; Sam 14:1-3) Amagedon bai pinisim ol man i save bagarapim dispela gutpela graun. I olsem Jehova i klinim ol samting. Na em bai daunim ol spirit nogut tu, em longtaim ol i bin bosim ol man nogut na stiaim tingting bilong ol.—Revelesen 16:14, 16; 20:1-3.
Na bihain long Amagedon Wanem samting bai kamap? Jehova i tok promis olsem: “Mi wokim nupela heven na nupela graun.” Liklik truim Bilong dispela tok promis i bin kamap taim ol Isrel i lusim Babilon na ol i go bek long Jerusalem long yia 537 BCE. Tasol bikpela samting tru Bilong dispela tok promis bai kamap bihain. Aposel Pita i tok: “God i promis pinis long wokim nupela skai na nupelct graun, na bai stretpela pasin tasol i stap long en. Yumi wet long dispela samting tasol.” Long dispela nupela taim bihain ol man bilong bihain i tok bai ol i sindaun gut na i stap bel isi.—Aisaia 65:17; 2 Pita 3:13, NT Taitas 1:2.
Dispela nupela taim bai kamap bihain. Krais bai stap king long kingdom bilong God, na ol manmeri bai sindaun gut. Sapos yu laik save moa long dispela samting, yu ken askim Ol Witnes Bilong Jehova.