Ripot long Wok Bilong Kingdom
Tok i Tru i Senisim Pasin Bilong Ol
SOL BILONG TASAS i strong moa long bihainim lotu bilong em na em i mekim nogut long ol Kristen tru. Em i laik “kilim ol i dai.” (Aposel 22:4; 26:10, 11) Em i no bin save gut na em i mekim olsem. (1 Timoti 1:13) Planti manmeri long nau tu i wankain olsem Sol na ol i birua long ol Kristen tru. Tasol Sol i kisim save long tok i tru na em i tanim bel. Na long nau tu, planti planti manmeri ol i lusim ol lotu giaman na bihainim lotu i tru.
◻ Wanpela dikon long Nu Kaledonia na meri bilong em, tupela i sakim pikinini meri bilong ol wantaim man bilong em, long wanem ol i kamap Witnes Bilong Jehova. Taim ol tumbuna pikinini bilong tupela i kirap laikim tok bilong Baibel olsem ol Witnes i lainim ol long en, nau papamama i tok: ‘Yupela i mas lusim ol Witnes o lusim dispela haus.’ Ol i lusim haus.
Bihain Lapun papamama i pilim olsem ol i no bin mekim stretpela pasin na papa i laik save long bilip bilong bilong ol witnes. Em i go toktok wantaim man bilong pikinini meri bilong em. Tupela i toktok wantaim inap planti aua na papa i kisim save long tik i tru bilong Baibel. Em itok, inap 60 yia em i wok long painimtoki tru na nau em i painim pinis. Em wantaim meri bilong em, tupela i lusim misin bilong ol na ol i kirap long i go long miting bilong ol Witnes na tupela i save autim tok.
Lapun papa i gat pasin daun na em i kisim save loong tok i tru. Nau dispela famili olgeta i mekim wok bilong Jehova. Tok i tru bilong Baibel i helpim ol long senisim pasin bilong ol.
◻ Wanpela lain bilong Nu Kaledonia, em ol Walis, ol i strongpela Katolik. Ol i no save toktok wantaim ol Witnes. Tasol wanpela yangpela man bilong lain bilong ol em i toktok wantaim ol Witnes. Em i laikim ol tok em i lainim long Baibel. Susa bilong em i save skul wantaim ol bruder, tasol wanpela taim susa bilong em i harim ol tok i kamap taim em i toktok wantaim ol Witnes. Dispela yangpela meri i givim planti askim long ol Witnes na ol i bekim ol dispela askim ol pris na bruder i no inap bekim. Inap wanpela yia ol pris i bin lainim em long tok bilong God Triwan, tasol insait long sampela aua tasol ol Witnes i bekim ol askim bilong em long dispela samting. Kwiktaim dispela yangpela meri i lusim misin Katolik na em wantaim susa bilong em, tupela i autim tok long famili bilong ol. Mama bilong tupela i lusim “Legion of Mary” na kukim ol piksa na medal bilong lotu. Em i tok: ‘O1 dispela samting i giamanim mi inap planti yia pinis!’ Nau tupela i baptais pinis na 10-pela manmeri long dispela famili ol i save go long ol miting. Mama na tripela pikinini man na wanpela pikinini meri ol i save autim tok.
Tok i tru bilong Baibel i gat strong bilong senisim pasin bilong ol man.—Hibru 4:12.