Wanpela Moa Long Lain Bilong Bosim Ol Witnes Bilong Jehova
LONG Lain Bilong Bosim Ol Witnes Bilong Jehova i gat 11-pela elda i stap. Tasol ol i tingting long sampela moa i mas insait long dispela lain, olsem na ol i makim wanpela nupela man bilong dispela lain, em Gerrit Lösch. Em i kirap mekim dispela wok long Julai 1, 1994.
Brata Lösch i bin go insait long wok painia long Novemba 1, 1961, na em i go long namba 41 klas bilong Baibel Skul Bilong Gileat. Em i mekim wok sekit na wok distrik long Ostria, kirap long 1963 i go inap long 1976. Em i marit long 1967, na bihain em wantaim meri bilong em, Merete, ol i wok 14 yia long brens-ofis bilong Ostria long Viena. Fopela yia i go pinis, ol i go wok long nambawan ofis bilong Sosaiti long Bruklin, Nu Yok, na Brata Lösch i wok long sampela ofis na em i wok olsem wanpela helpim bilong Komiti Bilong Wok Autim Tok. Em i bin wok longtaim long Yurop na em i gat save long tok ples Jeman, Inglis, Romenia, Itali, olsem na em bai helpim tru wok bilong Lain Bilong Bosim Ol Witnes.