BEKIM OL ASKIM BILONG BAIBEL
Yu ting pasin bilong i stap rabis bai pinis?
Hau bai God i pinisim pasin bilong i stap rabis?—Matyu 6:9, 10.
Long olgeta yia, planti milion manmeri i dai long hangre na sik. Long sampela hap bilong graun ol man i gat gutpela sindaun, tasol long planti kantri ol man i stap rabis tru. Baibel i kamapim olsem pasin bilong i stap rabis em hevi i painim ol man long bipo yet.—Ritim Jon 12:8.
Bilong pinisim pasin bilong i stap rabis, yumi nidim wanpela gavman i bosim graun olgeta. Dispela gavman bai lukautim ol man long sait bilong kaikai na haus samting. Na tu, em bai pinisim ol woa, em namba 1 samting i mekim ol man i stap rabis. God i tok promis long kamapim wanpela gavman olsem.—Ritim Daniel 2:44.
Husat bai pinisim pasin bilong i stap rabis?
God i makim Pikinini bilong em Jisas long bosim graun olgeta. (Song 2:4-8) Jisas bai pinisim pasin bilong i stap rabis, na tu, em bai bagarapim ol man i gat hatpela pasin na ol man bilong pait na mekim nogut long ol narapela.—Ritim Song 72:8, 12-14.
Baibel i tok profet olsem Jisas em “King bilong kamapim gutpela sindaun na bel isi.” Na taim em i bosim graun olgeta, ol man bai i gat haus bilong ol yet, ol bai i gat planti kaikai tru, na ol bai amamas long ol gutpela wok ol i mekim.—Ritim Aisaia 9:6, 7; 65:21-23.