Askim

● Planti taim sumatin i mas mekim tok insait long Skul o olsem wanem?

¹ Dispela Skul i gat bikpela wok long helpim ol brata na bai ol inap mekim pablik-tok. Olsem na klostu olgeta tok long Skul ol i givim long ol brata.

² Tasol Skul i gat wok tu long lainim yumi olgeta long pasin bilong autim gut tok na skulim ol man. Olsem na i stret ol sista tu ol i insait long Skul.

³ Bilong Skul i ken helpim tru ol sumatin, ol i mas mekim ol tok long planti taim. Gutpela sapos sumatin i mekim tok long olgeta 3-pela 3-pela mun. Tasol long sampela kongrigesen ol brata bilong Skul inap mekim sampela tok moa. Sapos long olgeta taim ol elda i save mekim tok namba wan na tok bilong kamapim ol bikpela tok bilong Baibel, orait, i no olsem wasman bilong Skul i mas makim ol long mekim tu ol narapela tok long Skul.

⁴ Inap olsem 50 yia samting, Skul Bilong Mekim Wok Autim Tok i helpim pinis planti milion brata sista long kamap strong long spirit, na Skul i bin lainim ol long pasin bilong autim gut Tok bilong Kingdom. Gutpela sapos yumi olgeta i insait long dispela Skul; em i wanpela gutpela samting yumi kisim long han bilong God Jehova. Yumi mas tingting strong long “kamap wokman tru, na bai God i laikim wok bilong [yumi]. Olsem na bai [yumi] autim stret tok tru bilong God, na bai [yumi] no gat sem long ai bilong en.”​—⁠2 Ti 2⁠:15.