‘Wok Yet Long Kisim Stretpela Save’

Stretpela save bilong God inap bringim man long laip oltaim. (Jo 17:3) Yumi mas wok strong tru bilong kisim sampela stretpela save moa long Jehova. (Kl 1:9, 10) Kirap long Epril 29, bai yumi stadi long buk Save i Bringim Man Long Laip Oltaim long ol Buk-Stadi bilong kongrigesen. Save bilong yumi long Tok Bilong God bai i go bikpela moa, na em bai inapim yumi tu long skulim ol narapela long ol dispela tok. Yu na famili bilong yu bai kisim planti blesing sapos long olgeta wan wan wik yupela i redim ol tok pastaim, na bekim tok, na mekim wok long ol dispela tok taim yupela i autim tok.