Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • km 1/00 p. 1
  • Olgeta Tok Profet Bilong God Bai Kamap Tru!

No gat vidio bilong dispela seksen.

Sori, popaia kamap long lodim vidio.

  • Olgeta Tok Profet Bilong God Bai Kamap Tru!
  • 2000 Wok Kingdom Bilong Yumi
  • Wankain Infomesen
  • Planti Milion Manmeri Bai Go Long En—Olsem Wanem Long Yu?
    Kirap!—1999
  • Tok Profet Bilong God i Helpim Yumi Long Wetim Ol Gutpela Samting
    Wastaua i Tokaut Long Kingdom Bilong Jehova—2000
  • Holim Strong Tok Bilong Ol Profet
    1995 Wok Kingdom Bilong Yumi
  • Yumi Mas Bilip Long Ol Tok Profet Bilong God!
    Wastaua i Tokaut Long Kingdom Bilong Jehova—2000
Lukim Moa
2000 Wok Kingdom Bilong Yumi
km 1/00 p. 1

Olgeta Tok Profet Bilong God Bai Kamap Tru!

1 Long bipo yet na i kam inap long nau, ol Witnes Bilong Jehova ol i gat laik long save long ol tok profet bilong Baibel. Olsem na yumi bin amamas tru long kisim save olsem nem bilong kibung distrik bilong yia i go pinis em “Tok Profet Bilong God.” Yumi laik tru long save long ol samting Jehova i bin redim bilong yumi olsem ‘kaikai long taim stret em i makim.’ (Mt 24:45) Yumi no lus long kisim ol gutpela samting.

2 Ol Bikpela Samting Bilong Kibung: As tok bilong kibung long Fraide, “Putim Yau Long Ol Tok Profet Bilong God,” em i stori long taim bodi bilong Jisas i senis na i kamap narakain. (Mt 17:​1-9) Dispela tok i makim olsem nau yumi stap olsem long dua bilong i go insait long gutpela taim, long wanem, yumi stap insait tru long taim bilong pinis, na nupela taim i stap klostu tasol! Namba wan rot bilong yumi putim gut yau long Tok Bilong God em yumi mas kaunim Baibel long olgeta de. Long tok i gat tripela hap bilong en, “Amamas Long Kaunim Tok Bilong God,” ol i kamapim ol gutpela tok yumi ken bihainim taim yumi kaunim Baibel bambai yumi kisim gutpela samting long en na amamas long kaunim.

3 Long Sarere apinun yumi bin stori long i gat wanem as na yumi inap bilip tru olsem yumi stap long taim bilong las de. Yu inap tingim olgeta dispela tok? Long Sande moningtaim, yumi bin kisim save long tok profet bilong Habakuk olsem taim bilong yumi i klostu wankain long taim bilong em, na liklik taim ol bikpela samting bai kamap taim Jehova i bagarapim ol man nogut na em i lukautim ol stretpela man. Olsem wanem? Yu kisim gut bikpela tok bilong dispela pilai bilong Baibel i stori long Jekop na Iso? Yumi mas wok strong long kisim ol blesing bilong Jehova, na sakim pasin bilong les.

4 Wanpela Nupela Buk: Yumi bin amamas tru long kisim nupela buk, Pay Attention to Daniel’s Prophecy! Ating yu kirap pinis long kaunim dispela gutpela buk. Brata i mekim tok na i kamapim dispela nupela buk, em i tok: “Olgeta tok profet long Buk Daniel i bin kamap tru pinis​—⁠wan wan hap tok tasol i no yet.” Dispela i makim olsem pinis i klostu tru, a?

5 Ol tok bilong kibung i bin strongim tru yumi olsem olgeta tok promis bilong God em truim bilong ol i no kamap yet, olgeta bai kamap tru. Kibung i kirapim yumi long wok yet long autim tok profet bilong God long ol narapela!

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim