Ol Tok Yu Ken Mekim Bilong Tilim Ol Nius

Wastaua Septemba 15

“Insait long klostu olgeta lotu i gat ol man i laikim tok i tru. Tasol ol lotu i save brukim lain na ol man i no stap wanbel. Yu ting wanem samting inap mekim na ol man i gat gutpela bel ol i ken stap wanbel? [Taim man i bekim pinis, ritim Sefanaia 3:⁠9.] Dispela nius i soim olsem wanem save ol man i kisim long God i mekim na ol i kamap wanbel long olgeta hap.”

Kirap! Julai–Septemba

“Taim yumi harim olsem ol polis i kalabusim ol raskol yumi save amamas, a? Tasol taim ol raskol i stap long kalabus, planti bilong ol i no senisim pasin bilong ol. Nogat. Ol i lain long sampela nupela pasin raskol. Yu ting i gat wanpela samting em inap long helpim ol man nogut long senisim tru pasin bilong ol? [Larim man i bekim tok, na opim nius long pes 8.] Dispela nius i soim yumi long olsem wanem Baibel inap helpim ol kalabus long senisim tru pasin bilong ol.”

Wastaua Oktoba 1

“Klostu olgeta man i tok ol i bilip long God, tasol planti ol i no save kamapim ol pasin em yumi ting trupela bilip i mas kirapim man long mekim. Yu ting trupela bilip i mas kirapim yumi long mekim wanem? [Taim man i bekim pinis, ritim Hibru 11:⁠1.] Dispela nius i stori long trupela bilip, na em i bikpela samting long yumi gat bilip o nogat.”