Ol Tok Yu Ken Mekim Bilong Tilim Ol Nius

Wastaua Septemba 15

“Mi laik kisim tingting bilong yu long tok bilong dispela skripsa. [Ritim Lo 32:⁠4.] Olsem wanem? Sampela taim yu save tingting planti olsem, sapos God i gat olgeta strong na stretpela pasin, bilong wanem planti pasin nogut na pen i pulap long dispela graun? [Larim man i bekim tok.] Dispela nius i stori long as na God i larim pasin nogut i stap inap long taim bilong yumi.”

Awake! Septemba

“Planti bilong yumi i no laik sik na yumi laik i stap laip longpela taim. Yu ting pasin bilong holim strong tingting olsem gutpela samting bai kamap inap mekim na helt bilong yumi i kamap gutpela moa? [Larim man i bekim tok. Nau ritim Sindaun 17:22.] Pasin bilong holim strong tingting olsem gutpela samting bai kamap, dispela inap helpim yumi na em i gutpela sapos yumi kisim dispela pasin. Dispela nius i stori long dispela samting.” Kamapim stori i stap long pes 26.

Wastaua Oktoba 1

“Olsem wanem? Sampela taim yu save tokim yu yet olsem, ‘Bilong wanem mi mekim dispela, mi no laik mekim olsem!’? [Larim man i bekim tok.] Lukim dispela tok hia long as na sampela taim yumi save bel hevi long sampela samting yumi bin mekim pinis. [Ritim Jeremaia 10:23.] Dispela nius i stori long olsem wanem ol gutpela tok bilong Baibel inap helpim yumi long mekim ol gutpela disisen.”

Kirap! Oktoba-Disemba

“Planti man i traim long mekim sindaun bilong ol i kamap gutpela na ol i pilim olsem em i bikpela samting long stap olsem gutpela man. Olsem wanem? Em samting yu tu i save mekim? [Larim man i bekim tok.] Samting nogut inap kamap sapos tingting bilong yumi long wanem pasin i gutpela i no wankain long tingting bilong God. Lukim dispela tok. [Ritim Sindaun 14:12.] Dispela nius i stori long olsem wanem yumi inap i stap gutpela man long ai bilong God.” Kamapim stori i stap long pes 14.