Ol Tok Yu Ken Mekim Bilong Tilim Ol Nius

Wastaua Septemba 15

“Long nau planti man i pilim olsem ol i kalabus insait long wanpela marit we i no gat pasin laikim. Ol man i gat kain hevi olsem ol inap kisim helpim long we? [Larim man i bekim tok.] Baibel i tokim yumi olsem ol stiatok bilong God inap helpim yumi. [Ritim Aisaia 48:​17, 18.] Dispela Wastaua i stori long ol stiatok bilong Baibel em ol inap strongim marit.”

Awake! Septemba 22

“Yumi kirap nogut tru long ol animal i save mekim sampela pasin i olsem ol i toktok long narapela. Tasol yu save olsem long sampela samting ol man i narapela kain long ol animal? [Larim man i bekim tok. Bihain ritim Song 65:⁠2.] Yumi narapela kain long ol animal, yumi gat dispela laik bilong toktok wantaim God. Dispela nius i stori long olsem wanem yumi ken amamas long toktok gut wantaim God na ol man.”

Wastaua Oktoba 1

“Yu bin gat kain askim olsem, ‘Sapos God i laikim yumi na em i gat olgeta strong, bilong wanem em i no laik mekim samting bilong helpim ol man i karim hevi?’ [Larim man i bekim tok.] Klostu nau bai em i pinisim olgeta hevi. [Ritim Aisaia 65:17.] Dispela nius i kamapim olsem maski yumi karim ol hevi, God i tingim yumi.”