Ol Tok Yu Ken Mekim Bilong Tilim Ol Nius

Wastaua Septemba 15

“Long beten bilong ol yet, planti milion manmeri i save kamapim ol dispela tok em planti man i save long en. [Ritim Matyu 6:10.] Yu ting i stap bilong ol man bai i olsem wanem sapos laik bilong God i kamap long graun? [Larim man i bekim tok.] Dispela Wastaua i skelim mining bilong wan wan hap bilong Beten Bilong Bikpela, na dispela hap em yumi ritim nau tasol.”

Awake! Septemba 22

“Planti manmeri i tingting planti long wanpela hevi i wok long i go bikpela namel long ol yangpela​—⁠em pasin bilong dring planti i go i go. Yu bin harim stori bilong dispela samting? [Larim man i bekim tok. Orait ritim Sindaun 20:⁠1.] Pasin bilong dring planti i go i go inap kamapim planti hevi long ol yangpela. Dispela stori i kamapim ol tok em inap helpim ol yangpela long sakim pasin bilong dring planti.”

Wastaua Oktoba 1

“Yumi olgeta i laik bai pasin raskol, pasin bilong kros pait, na woa i pinis olgeta. Yu ting yumi inap lukim dispela tok i kamap tru? [Ritim Song 37:11. Orait larim man i bekim tok.] Dispela Wastaua i stori long olsem wanem dispela tok promis i insait long samting em God i tingting pinis long mekim long ol man na olsem wanem yumi inap insait long en.”