Ol Tok Yu Ken Mekim Bilong Tilim Ol Nius

Wastaua Septemba 15

“Planti milion manmeri i save bilip olsem ‘ol santuman’ ol i gat narapela kain strong na i gutpela sapos yumi beten long rot bilong ol. Wanem tingting bilong yu? [Larim man i bekim tok.] Lukim dispela tok bilong Jisas Krais. [Ritim Jon 14:⁠6.] Dispela tok i kirapim sampela long tingim dispela pasin bilong beten long rot bilong ‘ol santuman.’ Dispela Wastaua i stori long dispela bikpela samting.”

Awake! Septemba 22

“Planti man long nau ol i tingting planti long pasin teroris. Olsem wanem? Yu ting ol gavman bilong graun inap pinisim pasin teroris? [Larim man i bekim tok.] Baibel i kamapim ol samting God bai mekim. [Ritim Esekiel 34:28.] Dispela Awake! i stori long dispela samting.”

Wastaua Oktoba 1

“Planti man i laik save, bai wanpela taim i kamap we i no gat hevi moa​​—⁠olsem pait, pasin raskol, pasin teroris. Wanem tingting bilong yu? [Larim man i bekim tok.] Baibel i kamapim wanpela gutpela tok bilong mekim gut bel bilong yumi. [Ritim Song 37:​10, 11.] Dispela nius i kamapim as na God i no pinisim yet pasin nogut na ol hevi na pen em dispela pasin i save kamapim.”