Ol Tok Bilong Tilim Ol Nius

Wastaua Sep. 1

“Yu ting yumi inap kisim we ol gutpela tok long taim yumi laik wokim ol bikpela disisen? [Larim man i bekim tok. Ritim Sindaun 3:​5, 6.] Dispela stori i kamapim klia olsem yumi bihainim savetingting i kam long God sapos paslain long yumi wokim disisen yumi skelim gut ol samting inap kamap.” Soim stori i kirap long pes 8.

Awake! Sept.

“Yu ting em laik bilong God long ol man i mas karim hevi bilong bikpela hangre i wok long bagarapim planti hap bilong graun long nau? [Larim man i bekim tok.] Tingim samting God i tingting long mekim bilong stretim dispela hevi. [Ritim Song 72:16.] Dispela stori i soim olsem wanem God bai kamapim bek Paradais long graun.” Soim stori i kirap long pes 7.

Wastaua Okt. 1

“Long dispela taim ol samting i wok long senis hariap hariap na planti man i tingting planti long ol samting bai kamap bihain. Wanem samting inap helpim yu long tingim olsem gutpela samting bai kamap bihain? [Larim man i bekim tok.] Tingim dispela tok promis bilong Baibel. [Ritim Aisaia 65:17.] Dispela nius i kamapim ol gutpela tok na yu ken bilip olsem gutpela samting bai kamap bihain.”

Kirap Okt.​-⁠Dis.

“Hevi bilong marit i wok long i go bikpela moa na planti i save katim marit. Yu ting pasin bilong bihainim dispela tok i ken helpim marit long i stap gut? [Ritim Sindaun 12:18. Larim man i bekim tok.] Dispela nius i skelim sampela narapela stiatok bilong Baibel em ol inap helpim ol marit long strongim marit bilong ol.”