Video Our Whole Association of Brothers
Ol manmeri bilong dispela graun i no gat pasin sori, olsem na olsem wanem yumi inap kamapim yet pasin bilong laikim tru ol brata spirit bilong yumi? (1 Pi. 2:17) Olsem wanem yumi inap soim ol narapela olsem yumi gat wanpela bikpela lain brata i stap tru long olgeta hap? (Mt. 23:8) Yumi inap mekim olsem long rot bilong video Our Whole Association of Brothers. Dispela video i kamapim ol as na yumi laikim tru narapela narapela. Traim bekim ol dispela askim:
(1) I gat wanem tripela samting yumi save mekim olsem wanpela lain brata long olgeta hap? (2) Olsem wanem ol brata bilong yumi i soim olsem ol i strong long autim tok (a) long bikpela ples nating bilong Alaska, (b) long ol bikpela bris bilong Yurop, na (c) long ol bikbus bilong Peru? (3) Wanem samting i gutpela tul tru bilong autim tok? (4) Bilong wanem yumi no ken ting olsem wok autim tok i wanpela wok nating tasol? (5) Kamapim sampela stori long olsem wanem ol Witnes Bilong Jehova i bin mekim gut bel bilong narapela narapela na helpim ol long taim bilong hevi, olsem long taim bilong guria, bikpela win, na pait i kamap insait long kantri. (Lukim tok bilong Takao, long Awake! bilong Ogas 22, 1995, pes 23 na tok bilong Kotoyo long Kirap! bilong Novemba 8, 1996, pes 20.) (6) Long wanem ol rot yumi olgeta inap kamapim nambawan bikpela mak bilong lain brata Kristen bilong yumi? (Jo. 13:35) (7) Yumi mas ting olsem wanem long ol miting bilong kongrigesen? (8) Taim ol i wokim ol Haus Kingdom long hap em bipo i no gat Haus Kingdom long en, dispela i mekim wanem long ol brata sista bilong dispela hap? (9) Olsem wanem ol brata bilong yumi long Isten Yurop na Rasia ol i bin i stap strong long ol samting bilong spirit taim gavman i tambuim wok bilong ol? (10) Long nau tu, planti Witnes i save mekim wanem bikpela hatwok bambai ol inap i go long ol kibung, na bilong wanem ol i mekim olsem? Dispela i strongim yu olsem wanem? (11) I gat wanem as na yu tingting strong long stap wanbel long mekim lotu, na helpim ol narapela long taim bilong hevi, na mekim gut wok autim tok long taim yu inap mekim na long wanem wanem pasin yu inap mekim? (12) I gat wanem as na i gutpela long yu kisim wanpela bilong dispela video na soim long planti man moa i laik kisim save?