Ol Tok Yu Ken Mekim Bilong Tilim Ol Nius

Wastaua Ogas 1

“Long nau i gat kain kain bilip nating em planti man i save bihainim. [Soim wanpela o tupela bilong ol bilip nating i stap long blok long pes 5.] Yu ting wanem samting i as bilong ol kain bilip olsem? [Taim man i bekim tok pinis, ritim 2 Korin 11:14.] Dispela magasin i kamapim tok Baibel i mekim long ol bilip nating.”

Awake! Ogas 8

“Planti manmeri ol i tingting planti long pasin pait na pasin teroris i wok long i go bikpela. Ating yu wanbel long tok bilong Saveman 8:⁠9. [Ritim na larim man i bekim tok.] Dispela Awake! i stori long ol samting yumi inap lainim long ol samting i bin kamap bipo, na em i kamapim klia olsem wanem ol kain pasin olsem bai pinis liklik taim nau.”

Wastaua Septemba 1

“Yu bin luksave olsem long planti hap ol man i no save tumas long ol man i sindaun klostu long ol olsem bipo ol i bin save long ol? [Larim man i bekim tok.] Jisas i kolim wanpela stiatok na em i bikpela samting bilong helpim man long stap gutpela wantok bilong ol man i sindaun klostu long em. [Ritim Matyu 7:​12.] Ol dispela stori i soim rot bilong stap gutpela wantok bilong ol man i sindaun klostu long yumi na ol samting yumi ken mekim bilong kirapim ol narapela tu long mekim olsem.”