Skul Tiokratik Bilong Autim Tok Bilong 2004
1 Jehova i inapim ol manmeri nating long mekim wanpela bikpela wok tru. Wanpela samting em i mekim bilong inapim ol em long rot bilong skul ol i save kisim long olgeta wik long Skul Tiokratik Bilong Autim Tok. Olsem wanem? Yu save insait tru long dispela skul inap long skel bilong sindaun bilong yu? Long Janueri 2004 bai i gat sampela senis i kamap na bai dispela skul i ken helpim tru ol sumatin.
2 Nambatu Brata Bilong Givim Tok Kaunsel i Senis Senis: Ol brata i save mekim ol instraksen-tok na kamapim ol bikpela tok bilong Baibel, ol i amamas long ol tok ol i kisim long ol nambatu brata bilong givim tok kaunsel. Long ol kongrigesen i gat planti elda, long olgeta yia ol i ken senis senis long mekim wok olsem nambatu brata bilong givim tok kaunsel. Long dispela rot, olgeta inap mekim wok; tasol bikpela samting moa, ol dispela brata i gat kain kain save long pasin bilong toktok na mekim wok tisa, olsem na dispela bai helpim tru ol elda na ol kongrigesen sevent.
3 Sediul Bilong Riviu: Sapos kongrigesen bai i gat kibung sekit i kamap long wik sediul i makim bilong mekim riviu, orait surikim riviu (na ol narapela hap bilong miting bilong dispela wik) i go long wik bihain long kibung, na long wik bilong kibung yupela i ken mekim miting bai kamap long wik bihain long kibung.
4 Sapos wik bilong wasman sekit bai kamap long wankain wik olsem sediul i makim bilong mekim riviu, yupela i ken mekim ol samting sediul i makim, em singsing, pasin bilong toktok, na kamapim ol bikpela tok bilong Baibel. Instraksen-tok (em tok i save kamap bihain long pasin bilong toktok), yupela i mas kisim long sediul bilong wik antap.
5 Bihain long ol i kamapim pinis ol bikpela tok bilong Baibel, bai i gat sotpela hap bilong Miting Bilong Wok inap 30 minit. Yupela i ken skelim taim na mekim tripela tok i gat 10 minit o tupela tok i gat 15 minit. (No ken mekim ol toksave.) Bihain long Miting Bilong Wok, mekim singsing na program bilong wasman sekit inap 30 minit.
6 Long miting bilong Skul Tiokratik Bilong Autim Tok long wik antap, bai i gat hap bilong pasin bilong toktok na kamapim ol bikpela tok bilong Baibel olsem sediul i makim, na riviu bai kamap bihain long dispela.
7 Mekim wok long ol rot i op long yu inap kamap strong long ol samting bilong spirit. Taim yu kisim helpim long Skul Tiokratik Bilong Autim Tok, yu strongim kongrigesen bilong yu, insait long truim tok profet bilong Baibel, na yu givim biknem long Man i bin kamapim dispela gutpela tok em yumi mas autim.—Ais. 32:3, 4; KTH 9:19.