Ol Samting Bilong Helpim Yumi Long Abrusim Blut

Ol pablisa i baptais pinis na ol i bin raitim ol tok long kat Advance Medical Directive/Release o kat Identity na dispela kat i no gat det long en bilong makim taim ol i bin prinim o i gat det 3/99 long en, ol i no gat wok long raitim nupela kat bilong yia 2004. Long Miting Bilong Wok long wik i kirap long Disemba 29, kuskus i mas i gat ol kat inap long ol pablisa i baptais nupela, na pikinini bilong ol, na ol brata sista em kat bilong ol i bin lus o i bagarap na ol i mas kisim nupela kat. Mipela i no inap salim ol dispela kat i go long ol kongrigesen. Sapos kongrigesen i sot long ol dispela kat, orait kuskus i ken sekim ol narapela kongrigesen i stap klostu o putim oda bilong kisim sampela kat moa wantaim oda bilong neks mun.

Ol brata sista i ken raitim olgeta tok long kat long haus, tasol ol i NO KEN sainim. Long Buk-Stadi Bilong Kongrigesen long wik antap, ol brata sista i ken sainim nem na raitim det samting, na wasman bilong Buk-Stadi i ken helpim ol sapos ol i mas kisim helpim. Ol brata i sainim nem olsem witnes ol i mas lukim brata o sista i sainim nem bilong em long kat.

Ol pablisa i no baptais yet ol i ken kisim sampela tok i stap long dispela kat Advance Medical Directive/Release na kat Identity na wokim kat bilong ol yet na bilong ol pikinini bilong ol.