Sediul Bilong Famili—Teks Bilong De
1 Ol gutpela papamama i save wok strong long olgeta wan wan de bilong redim gutpela kaikai long ol pikinini bilong ol. Pasin bilong givim kaikai bilong spirit long ol pikinini i bikpela samting moa. (Mt. 4:4) Wanpela gutpela rot bilong helpim ol pikinini bilong yu long laikim tru kaikai bilong spirit na bai ol i ken “kamap bikpela na strongpela,” em long skelim teks bilong de olsem wanpela famili long olgeta de. (1 Pi. 2:2) Yu ken makim wanem taim long mekim teks bilong de?
2 Long Taim Bilong Kaikai: Sapos yupela i skelim teks bilong de long moning, dispela bai helpim famili bilong yupela long tingim Jehova long de olgeta. (Sng. 16:8) Wanpela mama i save ritim teks na stori bilong Wastaua wantaim pikinini man bilong em taim pikinini i kaikai long moning na mama i beten wantaim em paslain long em i go long skul. Dispela i helpim em long sanap strong na sakim pasin bilong litimapim kantri, pasin pamuk, na i strongim bel bilong em long autim tok long ol narapela sumatin na ol tisa. Maski em tasol i wanpela Witnes long skul, em i no bin pilim olsem em i stap wanpis.
3 Sapos pasin bilong skelim teks bilong de long moning i no gutpela long yupela, orait yupela i ken skelim bihain, ating long taim yupela i kaikai long apinun. Sampela i save stori long ol ekspiriens ol i kisim long taim ol i autim tok na long sampela tok ol i laikim taim ol i mekim Baibel ritim bilong ol. Planti i save tingim dispela taim bilong famili long bung na kaikai wantaim long apinun olsem wanpela taim bilong famili long amamas wantaim.
4 Long Nait: Long sampela famili, gutpela taim bilong ol long skelim teks bilong de em paslain long ol i go slip long nait. Dispela taim tu em i gutpela taim bilong ol long beten wantaim. Taim ol pikinini i harim yu stori long Jehova na beten long em long olgeta de, ol bai tingim Jehova olsem wanpela man i stap tru.
5 Jehova i ken blesim wok bilong yupela long putim tok i tru i go daun long bel bilong ol pikinini bilong yupela taim yupela i mekim gutpela wok long buklet Skelim Sampela Tok Bilong Baibel Long Olgeta De.
This article is repeated again in km 8/09