Wokim Wanpela Gutpela Sediul Bilong Famili

¹ Long Bikpela Tok Long Maunten, Jisas i tokim ol man i harim tok bilong em: “Yupela i mas wok pastaim long painim kingdom bilong God wantaim stretpela pasin bilong em.” (Mt. 6:​33, Nupela Testamen na Ol Sam) Wanpela gutpela rot bilong stretim ol samting bilong famili bambai ol i ken putim ol samting bilong spirit i stap nambawan, em long wokim wanpela gutpela sediul bilong famili. Mekim wok long sediul i no gat rait long en long p. 6 bilong dispela namel pepa, na raitim sediul bilong famili bilong yu. Ating sampela famili i laik katim ol tok i stap aninit long sediul i stap long p. 6 na pasim long sediul. Na ating sampela i laik raitim ol samting ol bai mekim long sediul.

² Sediul i stap daunbilo inap helpim yu taim yu wokim sediul bilong yu. Bai yu lukim olsem i gat fopela bikpela samting long mekim: (1) go long ol miting bilong kongrigesen, (2) famili i insait long autim tok, (3) mekim famili stadi, na (4) skelim teks bilong de long olgeta wan wan de. Sapos yu putim ol dispela samting long sediul bilong yu dispela bai helpim yu long “skelim gut wanem ol samting i bikpela samting tru.” (Fl. 1:​10, NW ) Sampela tok moa long ol dispela fopela samting i stap long p. 4 i go 5.

³ Yu ken raitim sampela samting moa long sediul bilong famili bilong yu, i no dispela fopela samting tasol. Sapos famili olgeta i save redim wanpela miting wantaim, orait putim dispela tu long sediul bilong yupela. Sapos yupela i save ritim Baibel bihain long yupela i skelim teks bilong de o yupela i save ritim Baibel long narapela taim, raitim dispela tu long sediul. Sapos yupela famili i save mekim sampela amamas wantaim, orait yu ken putim dispela tu long sediul.

⁴ Wokim wanpela sediul i stret long olgeta wan wan insait long famili. Sampela taim yu mas skelim gen sediul bilong save olsem em i gutpela yet long famili i bihainim o i mas i gat sampela senis.

[Sat long pes 3]

Sediul Bilong Famili

Moning Apinun Nait

San. Teks Bilong De

Pablik Tok na

Stadi Wastaua

Man. Teks Bilong De Famili Stadi

Tun. Teks Bilong De Buk Stadi Bilong

Kongrigesen

Tri. Teks Bilong De

Fon. Teks Bilong De Skul Tiokratik

Bilong Autim Tok na

Miting Bilong Wok

Fra. Teks Bilong De

Sar. Teks Bilong De

Famili i Autim Tok

(De Magasin)

[Sat long pes 6]

Sediul Bilong Famili

Moning Apinun Nait

San.

Man.

Tun.

Tri.

Fon.

Fra.

Sar.

.................................................................