Yu Save Yusim Ol Pepa Bilong Singautim Man i Kam Long Miting?
Wanpela de wanpela mangi i gat 11-pela krismas i painim pepa bilong singautim ol man i kam harim wanpela pablik tok i stori long hel. Bihain em i tok: “Mi gat laik tru long save long dispela samting, long wanem, mi ting olsem oltaim mi save mekim ol samting i no stret na mi tingting planti long mi bai go long helpaia taim mi dai.” Em i go harim dispela pablik tok, na kirap stadi long Baibel. Inap wanpela yia bihain em i kisim baptais. Dispela em i kirap bilong wok Kristen bilong Karl Klein, na bihain em i wok insait long lain Gavening Bodi Bilong Ol Witnes Bilong Jehova inap planti yia. Olgeta dispela samting i kamap long rot bilong pepa bilong singautim ol man i kam long ol miting.
Long nau tu ol dispela pepa i gutpela tul bilong autim tok. Planti pablisa i ting pasin bilong givim kain pepa olsem long ol man em i gutpela rot bilong kamapim ol i husat na kirapim toktok. Ol papamama i ken kirapim ol yangpela pikinini long insait long wok autim tok long rot bilong givim ol dispela pepa long ol man bilong haus. Ol pablisa husat i save autim tok long rot bilong pas, ol i ken toksave long ol man long ol miting na putim long pas wanpela pepa bilong singautim ol man i kam long ol miting. Na ol dispela pepa i gutpela rot bilong singautim ol Baibel sumatin na ol narapela man i laik harim tok long kam long ol miting bilong yumi.
Olsem wanem? Yu save mekim gutpela wok long ol pepa bilong singautim ol man i kam long ol miting?