Bai Yu Kirapim Wanpela Baibel Stadi Long Oktoba?
1 Samting bilong tilim long Oktoba em nius Wastaua na Kirap! Bilong mekim gobek long ol man i laik harim tok, i gutpela long yumi yusim liklik nius Yu Laik Save Long Tok i Tru? na wok strong long kirapim wanpela Baibel stadi. Olsem wanem yumi inap mekim olsem taim yumi mekim gobek?
2 Rot Bilong Yusim Dispela Liklik Nius: Yumi inap tok: “Ol magasin mi bin lusim wantaim yu, i strongim ol man bilong kain kain sindaun na lotu long skelim tok bilong Baibel. [Givim liklik nius Save Long Tok i Tru long man bilong haus, na soim ol askim i stap long fran pes.] Em hia, sampela askim em Baibel i givim gutpela bekim bilong ol. Sampela taim yu bin mekim sampela bilong ol dispela askim?” Bihain long man bilong haus i bekim tok, skelim wantaim em long liklik nius bekim bilong wanpela askim bilong em, na ritim wanpela skripsa ol i no raitim tok bilong en. Bihain long dispela, tokim em olsem dispela em i liklik eksampel long ol tok Baibel i skulim ol man long en, na givim em buk Baibel i Tok. Yumi ken skelim wantaim em sampela paragraf long kirap bilong sapta em i makim long lista bilong ol tok i stap insait long buk. O yumi ken skelim sapta i gat sampela tok moa long samting yumi bin toktok long en long dispela liklik nius. Daunbilo i gat sampela referens yumi inap yusim:
● Tru Tru God i Save Tingim Yumi? (p. 9-11, par. 6-10)
● Woa na Pen na Hevi Bai Pinis Bihain? (p. 12, par. 12-13)
● Wanem Samting i Painim Yumi Taim Yumi Dai? (p. 59-60, par. 7-8)
● Gutpela Samting Bai Painim Ol Man i Dai Pinis? (p. 71, par. 13-15)
● Bai Mi Beten Olsem Wanem na God i Ken Harim? (p. 166-167, par. 5-8)
● Olsem Wanem Mi Inap i Stap Amamas? (p. 9, par. 4-5)
3 Sapos sampela samting i mekim na yumi no inap kirapim stadi na soim pasin bilong mekim stadi long buk Baibel i Tok long namba wan taim yumi go bek lukim man, orait yumi ken stretim rot long go bek na toktok moa wantaim em long bihain. Yumi tingim laik bilong man long kisim save i bikpela olsem wanem, na yumi go bek lukim em inap sampela taim na skelim wantaim em ol narapela askim bilong dispela liklik nius paslain long yumi givim buk long em. Yumi mas mekim gutpela wok long dispela liklik nius long Oktoba bilong kirapim wanpela Baibel stadi na helpim ol man i gat gutpela bel long save long ‘tok i tru.’—Jo. 8:31, 32.
[Askim Bilong Stadi]
1. Long Oktoba, bai yumi tilim wanem samting?
2. Olsem wanem yumi inap yusim liklik nius Save Long Tok i Tru bilong kirapim wanpela Baibel stadi taim yumi go bek lukim man i bin kisim ol magasin?
3. Yumi ken bihainim wanem ol narapela narapela rot bilong kirapim stadi?