Rot Bilong Autim Tok

Bilong Kirapim Baibel Stadi Long Namba 1 Sarere Bilong Me

“Yumi olgeta man i save popaia. Olsem wanem? Sampela taim yu bin tingting olsem God inap tru long fogivim ol pasin nogut tru yumi bin mekim?” [Larim man i bekim tok.] Soim stori long pes 15 bilong Wastaua bilong Me 1, na stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot bilong go bek na stori long namba 2 askim.

Wastaua Me 1

“Mipela i laik kisim tingting bilong yu long dispela tok. [Ritim 1 Jon 4:8.] Planti man i wanbel long dispela tok, tasol sampela i ting God em man nogut, long wanem, em i kamapim ol bikpela bagarap olsem sunami o guria samting. Yu gat wanem tingting? [Larim man i bekim tok.] Dispela magasin i kamapim sampela gutpela as na yumi no ken tok olsem God em i man nogut.”

Kirap! Me

“Mipela i raun na toktok wantaim ol neiba long wanpela hevi i save mekim yumi tingting planti—em ol pasin nogut. Sampela i ting namba 1 rot bilong stretim dispela hevi em yumi mas i gat planti polis moa. Yu gat wanem tingting? [Larim man i bekim tok.] Yu save olsem Baibel i tok promis long God bai pinisim ol pasin nogut? [Ritim Song 37:10, 11.] Dispela magasin i stori long ol dispela tok promis na ol samting yumi inap mekim bilong banisim yumi yet long ol pasin nogut.”