Yu Inap Singautim Em i Go Wantaim Yu?

Long planti kongrigesen i gat ol pablisa em ol i no inap mekim bikpela wok long autim tok, long wanem, ol i gat sik we i no inap pinis o ol i lapun. (2 Kor. 4:16) Yu ting yu inap singautim kain pablisa olsem long go wantaim yu long Baibel stadi bilong yu? Sapos kain pablisa olsem i no inap long lusim haus, ating yu ken stretim rot long go mekim Baibel stadi long haus bilong em. Yu ting sampela taim yu inap stretim rot long kisim pablisa i gat sik long go wantaim yu long autim tok long sampela haus tasol o mekim wanpela o tupela gobek? Planti lapun pablisa i gat ol gutpela ekspiriens long wok autim tok. Olsem na taim yu wok wantaim ol, dispela i strongim ol, na tu, i strongim yu yet. (Rom 1:12) Na moa yet, Jehova bai blesim yu taim yu kamapim pasin laikim long dispela rot.—Snd. 19:17; 1 Jon 3:17, 18.