Nupela Atikol Bilong Kirapim Tok

Kirap long Janueri 2016, laspela pes long pablik edisen bilong Wastaua i gat atikol, “Baibel i Tok Wanem?” Dispela nupela atikol i bilong helpim yumi long kirapim tok wantaim ol man long sampela tok bilong Baibel. Stail bilong dispela atikol i wankain long stail bilong ol liklik nius bilong yumi. I gat askim bilong helpim man long kamapim tingting bilong em, na i gat bekim Baibel i kamapim, na tu, i gat sampela moa tok bilong yusim long stori moa wantaim man.

Taim yumi stori gut wantaim ol man long tok bilong Baibel, dispela i save opim rot bilong kirapim Baibel stadi. Yusim dispela nupela atikol long helpim planti manmeri moa long inapim laik bilong ol long kisim save long tok i tru.—Mt 5:6.

ROT BILONG YUSIM:

1. Askim man bilong haus long kamapim tingting bilong em long wanpela bilong ol askim

2. Harim na tok amamas long bekim bilong em

3. Ritim skripsa aninit long het tok “Baibel i Tok Wanem?” na askim em long tingting em i gat long dispela ves. Sapos em i gat taim, yusim wanpela poin aninit long het tok “Sampela Skul Yumi Kisim Long Baibel,” na stori moa wantaim em

4. Tilim Wastaua

5. Stretim rot long mekim gobek na stori long namba 2 askim