Trenim Ol Long Mekim Yet Wok Bilong Jehova

Ol ekspiriens i kamapim klia olsem ol nupela pablisa husat i kisim trening long namba 1 taim long autim tok, ol i givim bel tru na ol i mekim gut wok autim tok. (Sd 22:6; Fl 3:16) Yumi ken skelim sampela rot we yu ken helpim Baibel sumatin long mekim gut wok autim tok:

• Taim ol elda i tok orait long sumatin i ken kamap nupela pablisa i gutpela long givim trening long em. (km 8/15 1) Kirapim em long luksave olsem em i bikpela samting long insait long wok autim tok long olgeta wik. (Fl 1:10) Taim yu stori long teritori yu wok long en, mekim gutpela tok tasol. (Fl 4:8) Tokim em olsem i gutpela tu long wok wantaim wasman bilong grup na ol narapela pablisa, long dispela rot em inap kisim helpim long ekspiriens bilong ol.—Sd 1:5; km 10/12 6 par. 3

  

• Taim Baibel sumatin i baptais pinis, wok yet long strongim em na trenim em long mekim wok autim tok, na moa yet sapos em i no pinisim yet buk, “Pasin Laikim Bilong God.”—km 12/13

  

• Taim yu autim tok wantaim nupela pablisa, yusim ol tok we i isi na i no hatwok. Taim em i autim tok pinis long man bilong haus, mekim gutpela tok amamas long em. Givim tok bilong helpim em long kamap gutpela moa long wok autim tok.—km 5/10 11