Litimapim Nem Bilong Jehova Long Rot Bilong Mekim Wok Painia

I gat planti as na ol Israel i mas litimapim nem bilong Jehova. Em i bin bringim ol i kam lusim Isip na kisim bek ol long han bilong lain ami bilong Fero! (Ki 15:1, 2) Jehova i wok yet long mekim ol gutpela samting bilong helpim lain bilong em. Olsem wanem yumi ken soim olsem yumi tenkyu long em?—Sg 116:12.

Wanpela rot bilong mekim olsem, em long mekim wok painia haptaim o painia oltaim. Yu ken beten askim Jehova long givim yu laik na strong bilong mekim wok painia. (Fl 2:13) Planti i save kirap pastaim long mekim wok painia haptaim. Yu ken makim olsem yu bai kisim 30 aua o 50 aua long mun Mas na Epril na long mun em wasman sekit i kam lukim kongrigesen bilong yu. Taim yu lukim olsem yu kisim amamas long mekim wok painia haptaim, ating yu bai i gat laik long mekim wok painia oltaim. Sampela i mekim wok mani fultaim o ol i gat sik, ol i bin mekim wok painia oltaim. (mwb16.07 8) Tru tumas, i stret yumi wok strong long givim biknem long Jehova!—1St 16:25.

LUKIM VIDIO TRIPELA SISTA LONG MONGOLIA, NA BIHAIN BEKIM OL DISPELA ASKIM:

• 

  Wanem ol hevi i painim dispela 3-pela sista? Na ol i mekim wanem bilong karim ol dispela hevi na bai ol inap mekim wok painia?

• 

  Ol i kisim wanem ol blesing?

• 

  Ol i mekim wok painia oltaim, na dispela i opim rot long ol inap mekim wanem ol wok moa bilong Jehova?

• 

  Pasin bilong ol i helpim ol arapela olsem wanem?