Bung Bilong Autim Tok i Helpim Ol Pablisa

Bung bilong autim tok i wankain olsem ol narapela miting bilong kongrigesen, em helpim i kam long Jehova long yumi inap soim pasin laikim long narapela narapela na mekim ol gutpela wok. (Hi 10:24, 25) Bung bilong autim tok i mas kamap insait long 5 i go 7 minit, insait long dispela haptaim brata i ken makim ol poroman, teritori ol bai autim tok long en, na mekim beten. (Sapos bung bilong autim tok i kamap bihain long narapela miting, orait taim bai i no winim 5 minit.) Brata i lukautim grup i mas redim samting we i stret long ol pablisa bai mekim wok long en long dispela de. Olsem, long Sarere sapos planti i kam long bung i no bin autim tok long wiken i go pinis, orait em bai gutpela long stori tasol long tok ol inap mekim long ol man long teritori. Wanem sampela samting em brata i lukautim grup i ken stori long en?

• Eksampel bilong toktok long Kristen Laip na Wok Autim Tok—Miting Wok Buk

• Hau long yusim ol samting i kamap o nius ripot long kirapim tok

• Hau long bekim wanpela tok em planti long teritori i save mekim

• Hau long bekim tok bilong man i no bilip long God, man i bilip long evolusen, man bilong narapela tokples, o man bilong wanpela lotu em planti long hap bilong yu i no save long en

• Hau long yusim jw.org websait, JW Library^® app, o Baibel

• Hau long yusim wanpela tul long hap Ol Tul Bilong Skulim Man

• Hau long bihainim stret wanpela pasin bilong autim tok, olsem telefon, raitim pas, autim tok long pablik ples, mekim ol gobek, na ol Baibel stadi

• Helpim ol long tingim seifti, redi long senisim tok, mekim gutpela pasin, holim stretpela tingting, na ol narapela toksave

• Wanpela skul yumi kisim o vidio i kam long buklet Kamap Gutpela Moa Long Pasin Bilong Rit na Skulim Man

• Hau long strongim na helpim poroman bilong yu

• Wanpela skripsa i stori long wok autim tok o wanpela gutpela ekspiriens bilong autim tok