Stadi na Serim Tok Yu Lainim Wantaim Ol Narapela

Yumi save pilim amamas taim yumi stadi long Baibel. Tasol yumi inap amamas moa yet taim yumi stori wantaim ol narapela long ol gutpela tok bilong Baibel yumi lainim. Provep 11:25 i tok: “Man i save givim nupela strong long ol arapela, em yet bai kisim nupela strong.”

Taim yumi stori wantaim ol narapela long ol tok yumi lainim, dispela bai helpim yumi long tingim gut ol bikpela poin na yumi bai kliagut moa long tok bilong Baibel. Yumi amamas long tokim ol narapela long ol dispela gutpela save bilong Baibel yumi kisim bikos ol dispela tok inap helpim tru ol.—Apo. 20:35.

Traim dispela: Long neks wik, painim ol rot bilong stori wantaim wanpela long ol samting yu lainim long pesenel Baibel stadi bilong yu. Yu ken toktok wantaim wanpela insait long famili, wanpela neiba, o wanpela yu bungim taim yu autim tok. Mekim ol tok long toktok bilong yu yet em ol i ken klia long en na no ken stori planti.

Tingim: Serim ol tok yu lainim wantaim ol narapela na bai yu ken strongim ol, na i no bilong yu ken kisim biknem.—1 Kor. 8:1.