Yu Ting i Gat Rong Long Pilai Laki?

Bekim bilong Baibel

Maski Baibel i no stori long olgeta samting long pasin bilong pilai laki, ol stiatok bilong Baibel i helpim yumi long kisim tingting bilong God olsem em i no orait long pasin bilong pilai laki.​—Efesus 5:17.a

• Gridi pasin i save kirapim man long pilai laki, em pasin God i heitim. (1 Korin 6:​9, 10; Efesus 5:​3, 5) Ol man bilong pilai laki i laik kisim mani bilong ol narapela long taim ol i lus, tasol Baibel i tambuim pasin bilong mangal long samting bilong ol narapela.​—Kisim Bek 20:17; Rom 7:7; 13:​9, 10.

• Pasin bilong pilai laki, maski long liklik mani, yu inap laikim tumas mani na dispela bai bagarapim yu.​—1 Timoti 6:​9, 10.

• Planti taim ol man i save pilai laki i kisim bilip kranki olsem gutpela samting inap painim ol o gud lak. Tasol God i tingim kain bilip olsem pasin bilong lotuim god giaman, em samting i no stret long pasin bilong lotuim em.​—Aisaia 65:11.

• Baibel i kirapim yumi long wok hat, na i no long kisim ol samting nating, nogat. (Eklisiastis 2:​24; Efesus 4:​28) Ol lain i bihainim edvais bilong Baibel i save “mekim wok bai ol i ken lukautim ol yet long kaikai samting.”​—2 Tesalonaika 3:​10, 12.

• Pasin bilong pilai laki i save kirapim pasin bilong resis, em samting Baibel i no orait long en.​—Galesia 5:​26.