Rot Bilong Autim Tok

Kingdom Nius Namba 38

“Mipela i insait long wanpela bikpela wok i kamap long olgeta hap bilong graun long tokaut long wanpela bikpela tok. Dispela em kopi bilong yu.”

Harim: Bilong inapim olgeta hap bilong teritori, mekim sotpela tok tasol. Tasol sampela taim man bilong haus bai soim olsem em i gat laik long harim na em i laik toktok moa. Sapos olsem, askim em, em i gat wanem tingting long askim i stap long fran pes, ritim bekim bilong Baibel i stap insait, na sapos i gat taim kamapim wanpela tok moa long dispela hap. Paslain long lusim em, soim em askim i stap long hap “Samting Bilong Tingim” long baksait na stretim rot long go bek na stori long dispela.

Wastaua Novemba 1

“Long tingting bilong yu, wanem bikpela tok giaman em ol i bin sutim long God? [Larim man i bekim tok.] Baibel i tok, God i laik bai ol man i laikim em na trastim em. [Ritim Aisaia 41:13.] Dispela magasin i kamapim klia 3-pela tok giaman em planti man i save mekim long God, na dispela i mekim na i hatwok long sampela man long go klostu long em.”

Kirap! Novemba

“Mipela i raun na toktok wantaim ol man, long wanem, planti man i tingting planti olsem ol gutpela pasin i wok long pinis. Yu ting ol man i no wok moa long bihainim ol stretpela pasin? [Larim man i bekim tok.] Baibel i tok profet olsem tingting na pasin bilong ol man bai senis. [Ritim 2 Timoti 3:1-5.] Dispela magasin i stori long as na yumi inap bilip long ol gutpela pasin em Baibel i stori long en.”