“Xalamuka! Yi Ponise Vutomi Bya Mina!”

Vakandziyisi va Xalamuka! va kume papila leri humaka eka muhlayi la tlangelaka wa le Italiya. Xiphemu xa rona xi hlayekisa xileswi:

“Ndzi hlaye Xalamuka! ku ringana malembe ya 40, naswona ndza yi rhandza hikwalaho ka leswi yi andlalaka timhaka to hambana-hambana leti pfunaka. Ku nga ri khale, loko ndzi ri entirhweni, ndzi khomiwe hi xitlhavi ekhwirini ni le xifuveni. Hiloko ndzi ehleketa ku ya ekaya, kambe loko xitlhavi xexo xi vuya, ku fike swin’wana emiehleketweni ya mina. Ndzi xi tsundzuke kahle xihloko xa Xalamuka! lexi a xi hlamusela swikombiso swa vuvabyi bya mbilu.a Kutani ndzi endle xiboho xa ku ya exibedlhele. A ndza ha ri ekamareni ro rindzela eka rona loko nhloko ya mina yi voyamela etlhelo rin’we kutani ndzi biwa hi xithongwana. Mhaka leyi ndzi byeriwe yona hi siku leri tlhandlamaka loko ndzi ri ekamareni ra vanhu lava vabyaka ngopfu.

“Ndza ha hanya ninamuntlha hikwalaho ka goza ra xihatla leri tekiweke hi madokodela lama nga ni vutshila. Kambe ndzi fanele ndzi bumabumela ni magazini wa n’wina, lowu ndzi nyikeke rungula leri ndzi pfuneke ku endla xiboho xa vutlhari xa ku ya exibedlhele. Xalamuka! yi ponise vutomi bya mina!”

[Nhlamuselo ya le hansi]